Friday 22 November 2019
Home      All news      Contact us      English
tert.am - 16 days ago

Բրիտանիայում լեռնագնաց աղջիկը սայթաքել և ցած է ընկել ընկերոջ աչքի առջև, ով չի հասցրել փրկել նրան

29-ամյա բրիտանացի Հաննա Լուոն փորձառու լեռնագնաց էր և իր ընկերոջը նույնպես ծանոթացրել էր այդ արվեստի հետ․ գրում է Mirror-ը: Մեկ տարի միասին ապրելուց հետո Հաննան և Ադամը որոշել էին հարաբերությունները ավելի նոր հարթություն տեղափոխել: Սիրահարները տուն էին գնել և որոշել այնտեղ նշել տղայի 30-ամյակը: Հաննան քրոջ, մոր և ընկերոջ հետ դեպի Դերբիշիր կոմսության լեռներ զբոսանքի է գնացել: Բարձրանալով վեր՝ սիրահարները ցանկացել են մի փոքր միայնակ մնալ՝ քննարկելու ապագայի պլանները: Զույգը, սակայն, պահը վայելելու քիչ ժամանակ է ունեցել: Վերադառնալիս աղջիկը սայթաքել է. Ադամը սարսափահար շտապել է բռնել աղջկա պայուսակը, սակայն չի հասցրել․սիրելին իր աչքի առջև 18 մետր բարձրությունից ներքև է ընկել: Մենք շատ երջանիկ էինք. չէ՞ որ վաղն իմ ծննդյան օրն է՝ 30-ամյակս: Մենք գնել ենք մեր առաջին տունը: Մի քանի րոպե անց մենք պատրաստվում էինք վերադառնալ: Հաննան պտտվելիս կորցրեց հավասարակշռությունը: Ես շտապեցի օգնել նրան, սակայն չհասցրեցի, և նա ընկավ ,- սոցցանցերից մեկի իր էջում գրել է Ադամը: Երբ փրկարարները տեղ են հասել, նա արդեն մահացած է եղել: Հաննան գանգուղեղային ծանր վնասվածք էր ստացել: Ոստիկանները հետաքննություն են անցկացրել և հաստատել, որ աղջիկը մահացել է դժբախտ պատահարի հետևանքով: Բառերն անզոր են նկարագրելու այն ցավը, որ այժմ զգում եմ: Ես ընդմիշտ կսիրեմ քեզ: Հանգչի՛ր խաղաղությամբ, սիրելի՛ս, մինչ նորից կհանդիպենք ,- գրել է Ադամը:

Related news

Latest News
Hashtags:   

Բրիտանիայում

 | 

լեռնագնաց

 | 

աղջիկը

 | 

սայթաքել

 | 

ընկել

 | 

ընկերոջ

 | 

հասցրել

 | 

փրկել

 | 
Most Popular (6 hours)

Most Popular (24 hours)

Most Popular (a week)

Sources