Tuesday 19 November 2019
Home      All news      Contact us      English
azatutyun - 13 days ago

Հայաստանցիների 92 տոկոսը դրական է գնահատում Եվրամիության հետ հարաբերությունները․ Մնացականյան

Շվեդիայի մայրաքաղաք Ստոկհոլմում երեկ կայացած Արևելյան գործընկերության տասնամյակին նվիրված ու արտգործնախարարների մակարդակով կայացած հանդիպմանը Հայաստանի արտաքին քաղաքակ գերատեսչության ղեկավար Զոհրաբ Մնացականյանը հայտարարել է, որ հայաստանցիների 92 տոկոսը դրական է գնահատում Եվրամիության հետ հարաբերությունները: «Արևելյան գործընկերության նոր քաղաքական տեսլականը» համաժողովում Մնացականյանը խոսել է նաև Եվրոպայի մասը լինելուց և ընդհանուր արժեքներից, որոնք թույլ տվեցին անցած տարի Հայաստանում իրականացնել թավշյա հեղափոխությունը․ - «Հայաստանի մասով լավ աշխատանք է կատարվել։ Այս ամռանն արված հարցման արդյունքները ցույց տվեցին, որ Հայաստանի հասարակության 92 տոկոսը դրական է գնահատում ԵՄ-ի հետ հարաբերությունները։ Այսինքն, լավ աշխատանք է տարվել հաղորդակցության մասով։ Ես լիովին համաձայն եմ արտահայտված տեսակետների հետ: Դա հենց այն է, ինչ ես ի նկատի ունեմ, երբ խոսում եմ արդյունավետ բազմակողմանիության ռազմավարական կարևորության մասին, հատկապես մենք՝ փոքր պետություններս, կախված ենք դրանից: Սա արդյունավետ բազմակողմանիության չափազանց կարևոր հարթակ է, հատկապես այն պետությունների միջև, որոնք կիսում են ընդհանուր արժեքներ»: Զոհրաբ Մնացականյանը հիշեցրել է, թե նախորդ երեսուն տարիների ընթացքում որքան հիմնարար փոփոխություններ են տեղի ունեցել աշխարհի ռազմավարական դասավորվածությունում՝ թվարկելով Բեռլինի պատի փլուզումը, ազատության հաղթանակը, ժողովրդավարության, մարդու իրավունքների գաղափարախոսության գերակայությունը: «Այո, ես ներկայացնում եմ մի երկիր, որտեղ մեծ իրադարձություն է տեղի ունեցել՝ անցյալ տարվա թավշյա, ոչ բռնի հեղափոխությունը: Դա հնարավոր եղավ ընդհանուր արժեքներին հավատարիմ լինելու շնորհիվ: Այս 28 տարիների ընթացքում՝ սկսած Հայաստանի անկախությունից, մենք հայտարարել ենք դրա մասին: Եղել են բազմաթիվ սայթաքումներ, մենք անցել ենք բազում դժվարությունների, ողբերգության միջով, սակայն հնարավոր եղավ իրականացնել նմանօրինակ հեղափոխություն, որովհետև ձևավորվել էր համապատասխան հիմք, և եվրոպական մոդելը, եվրոպական ընդհանուր արժեքներն ընկած էին դրա առանցքում: Աստիճանաբար ձևավորվել էր մի սերունդ, որը ունակ եղավ դուրս գալու և իրականացնելու այդ հեղափոխությունը», - ասել է Հայաստանի արտգործնախարարը:

Related news

Latest News
Hashtags:   

Հայաստանցիների

 | 

տոկոսը

 | 

դրական

 | 

գնահատում

 | 

Եվրամիության

 | 

հարաբերությունները․

 | 

Մնացականյան

 | 
Most Popular (6 hours)

Most Popular (24 hours)

Most Popular (a week)

Sources