Monday 18 November 2019
Home      All news      Contact us      English
tert.am - 13 days ago

«Չեմ կարող դադարել հայերի նկատմամբ 1915 թվականի ցեղասպանությունն անիծել». հայտնաբերվել է Ֆեթուլլահ Գյուլենի՝ 1965 թվականին գրված նամակը (լուսանկար)

Ադանայի հանրապետական գլխավոր դատախազությունը Թուրքիայում 2016 թվականի հեղաշրջման փորձից հետո ընդդիմադիր կրոնական գործիչ, հեղաշրջման կազմակերպման համար մեղադրվող Ֆեթուլլահ Գյուլենի հետ կապված նոր կառույց է հայտնաբերել: Այս մասին տեղեկացնում է Internethaber.com կայքը: Նշվում է, որ կառույցը ստեղծվում էր գյուլենականների ազդեցությունը Թուրքիայում տարածելու համար: Կառույցի ձերբակալված անդամները զբաղվում էին կառույցի ֆինանսական հարցերով: Կազմակերպության ձերբակալված անդամներից մեկի տանը գտել են 1965 թվականին թվագրվող նամակ՝ ուղղված այն ժամանակի Պոլսո Հայոց պատրիարք Շնորհք Գալուստյանին՝ ստորագրված Ֆեթուլլահ Գյուլենի կողմից: Նամակում, մասնավորապես, ասվում է. Չեմ կարող դադարել հայերի նկատմամբ 1915 թվականի մեծ ցեղասպանությունն անիծել: Ես քննադատում եմ մեր մարգարե Հիսուսի զավակների սպանությունն իրենց մահմեդական կոչող տգետների կողմից: Դրա համար Ձեզ՝ ով պատվելի, շնորհակալություն եմ հայտնում և աղոթում եմ, որ մեր հայ և հույն քաղաքացիները համերաշխությամբ ապրեն թուրք եղբայրների հետ : Հիշեցնենք, որ 2016-ի հուլիսի 15-ին Թուրքիայում տեղի է ունեցել ռազմական հեղաշրջման փորձ: Դրան հաջորդել են ձերբակալությունները երկրի զինված ուժերում և այլ կառույցներում, փակվել են բազմաթիվ թերթեր, կազմակերպություններ, կենտրոններ, երկրում հայտարարվել է արտակարգ դրություն: Հեղաշրջման փորձի համար Թուրքիայի նախագահ Ռեջեփ Թայիփ Էրդողանը մեղադրում է Հիզմեթ ( Ծառայություն ) կրոնական շարժման հիմնադիր և իր հակառակորդ Ֆեթուլլահ Գյուլենին, որը ներկայում բնակվում է ԱՄՆ Փենսիլվանիա նահանգում:

Related news

Latest News
Hashtags:   

կարող

 | 

դադարել

 | 

հայերի

 | 

նկատմամբ

 | 

թվականի

 | 

ցեղասպանությունն

 | 

անիծել

 | 

հայտնաբերվել

 | 

Ֆեթուլլահ

 | 

Գյուլենի՝

 | 

թվականին

 | 

գրված

 | 

նամակը

 | 

լուսանկար

 | 
Most Popular (6 hours)

Most Popular (24 hours)

Most Popular (a week)

Sources