Tuesday 12 November 2019
Home      All news      Contact us      English
tert.am - 7 days ago

Չիլիում ցուցարարների և ոստիկանների միջև բախում է տեղի ունեցել. կան վիրավորներ

Չիլիի մայրաքաղաք Սանտյագոյի կենտրոնում բախում է տեղի ունեցել ցուցարարների և ոստիկանության աշխատակիցների միջև: Կան վիրավորներ: Այս մասին հայտնում է РИА Новости-ն հղում անելով 24 Horas-ին: Իտալիայի հրապարակում ոստիկանները կիրառել են արցունքաբեր գազ և ջրային ատրճանակներ, ցուցարարների կողմից տրվել է պատասխան մոլոտովյան կոկտեյլների տեսքով: Նշվում է, որ ոստիկանության աշխատակիցներից երկուսը դեմքի և պարանոցի շրջանում լուրջ այրվածքներ են ստացել, սակայն նրանց կյանքին վտանգ չի սպառնում: Ցուցարարներն այս անգամ իրենց դժգոհությունն են հայտնում կառավարության քաղաքականությունից: Հիշեցնենք, որ հոկտեմբերի 6-ին Չիլիի իշխանությունները մետրոյի տոմսի արժեքը 30 չիլիական պեսոյով (0,042 դոլար) բարձրացնելու որոշում էին կայացրել, ինչը բողոքի գործողությունների պատճառ էր դարձել: Սկզբում խաղաղ ակցիաներն այնուհետև վերաճել էին իրավապահների հետ բախումների: Ցուցարարները բարիկադներ էին կառուցել մետրոյի կայարանների մոտ՝ զգալի վնաս հասցնելով մետրոպոլիտենին: Նրանք նաև խանութներ և ավտոբուսներ էին այրել, երկրի մեծ քաղաքներում փողոց էր դուրս բերվել զրահատեխնիկա:

Related news

Latest News
Hashtags:   

Չիլիում

 | 

ցուցարարների

 | 

ոստիկանների

 | 

բախում

 | 

ունեցել

 | 

վիրավորներ

 | 
Most Popular (6 hours)

Most Popular (24 hours)

Most Popular (a week)

Sources