Wednesday 13 November 2019
Home      All news      Contact us      English
tert.am - 9 days ago

Պետությունն իրավունք չուներ խրախուսելու փողոցային, անհայտ ծագման ակցիա. Սոֆյա Հակոբյան

Այսօր սահմանամերձ համայնքներում երեխաները երազում են գոնե մեկ տիկնիկային ներկայացում տեսնել: Պետությունն իրավունք չուներ փողոցային, անհայտ ծագման ակցիա խրախուսել: Այս մասին Tert.am-ի հետ զրույցում ասաց ԱԺ Իմ քայլը խմբակցության պատգամավոր Սոֆյա Հովսեփյանը՝ անդրադառնալով վերջին շրջանում քննարկվող՝ ծանրորդ Մել (Մելինե) Դալուզյանի մասին պատմող ֆիլմի և մետրոյի Հանրապետության Հրապարակ կայարանի տարածքում իրականացված ՀուԶանք ու Զանգ միջոցառման՝ հասարակության կողմից չընդունվելուն: Կարծում եմ միջոցառման առաջնահերթությունը տվել է Կառավարությունը՝ համապատասխան նախարարությունը: Ես չեմ կարող ասել, թե ինչու է առաջնահերթություն տրվել և ինչով է պայմանավորված սա: Նոր եմ վերադարձել Հայաստան, դեռ չեմ հասցրել հանդիպել և քննարկել հարցը ,- ասաց նա: Իմ գնահատմամբ՝ չարժեր ոչ մի կոպեկ ծախսել միջոցառման վրա: Եթե դա ակցիա էր, ապա պետք է անեին իրենց միջոցներով, կամ՝ չանեին: Իսկ եթե գնահատեմ 2.7 մլն դրամ հատկացնելը նրանց, պետք է ասեմ, որ կրթության և մշակույթի ոլորտում մեծ ներդրումների կարիք կա ,- նշեց պատգամավորը: Անդրադառնալով Մել Դալուզյանի մասին պատմող ֆիլմի ֆինանսավորմանն ու նպատակին՝ Հովսեփյանն ասաց, որ նպատակն իր համար անհայտ է և առաջնային ուզում է հասկանալ, թե որպես մարզիկի՝ կենսագրական ֆիլմ է, թե որպես սեռական փոքրամասնության: Հովսեփյանը նշեց, որ պետք է հասկանալ, թե ո՞ւր ենք մենք գնում այդ ամենի լուսաբանմամբ, պետք է հասկանալ, թե ինչո՞ւ է պետության ամենաֆինանսատար հատվածից նման ֆիլմեր և միջոցառումներ ֆինանսավորվում: Իշխանության ղեկավարը՝ Նիկոլ Փաշինյանը և՛ գործով, և՛ խոսքով նշում է ազգային արժեքների և ավանդական ընտանիքների մասին: Ես դեռ չեմ հանդիպել ԿԳՄՍ նախարարի հետ, որպեսզի հասկանամ այս ծրագրերի նպատակը: Փաստացի այս տարվա հիմնական ֆինանսավորվող ծրագրերը եղել են հանրության մեծամասնության կողմից անընդունելի: Ի՞նչն է պատճառը, որ այդ թեմաներն են վերհանվում: Կպարզաբանեմ, կհասկանամ, թե ինչ դիրքորոշում կա նախարարության կողմից ,- ամփոփեց Հովսեփյանը: Հիշեցնենք, որ շաբաթ օրը նոյեմբերի 2-ին, մետրոյի Հանրապետության Հրապարակ կայարանի հարակից տարածքում տեղի էր ունեցել ՀուԶանք ու Զանգ ներկայացումը՝ ուղեկցվելով բախումներով: Ոստիկանությունը միջամտել էր փորձելով կանխել բախումը: Կար նաև բերման ենթարկված:

Related news

Latest News
Hashtags:   

Պետությունն

 | 

իրավունք

 | 

չուներ

 | 

խրախուսելու

 | 

փողոցային

 | 

անհայտ

 | 

ծագման

 | 

ակցիա

 | 

Սոֆյա

 | 

Հակոբյան

 | 
Most Popular (6 hours)

Most Popular (24 hours)

Most Popular (a week)

Sources