Wednesday 13 November 2019
Home      All news      Contact us      English
tert.am - 15 days ago

30 տարվա մեջ առաջին անգամ հավանականությունը շատ մեծ է, որ ԱՄՆ Ներկայացուցիչների պալատում կընդունվի Հայոց ցեղասպանությունը ճանաչող բանաձևը. Վիգեն Հովսեփյան

30 տարվա մեջ առաջին անգամ հավանականությունը շատ մեծ է, որ ԱՄՆ կոնգրեսի Ներկայացուցիչների պալատի լիագումար նիստը կընդունի Հայոց ցեղասպանությունը ճանաչող բանաձևը, հետևաբար՝ սպասելիքներն այս պահի դրությամբ շատ մեծ են: Tert.am-ի հետ զրույցում, անդրադառնալով Ներկայացուցիչների պալատում Հայոց ցեղասպանության վերաբերյալ 296-րդ բանաձևի փակ քվեարկությանը, ասաց քաղաքագիտության դոկտոր ամերիկահայ ազգային-հասարակական գործիչ Վիգեն Հովսեփյանը: Հիշեցնենք, որ ԱՄՆ Կոնգրեսի Ներկայացուցիչների պալատի կանոնադրական հանձնաժողովը հաստատել է Հայոց ցեղասպանությունը ճանաչող բանաձևը և այն ուղարկել պալատի քննարկմանն ու քվեարկությանը: Հայոց ցեղասպանության վերաբերյալ 296-րդ բանաձևը Ներկայացուցիչների պալատում փակ քվեարկության կդրվի երեքշաբթի կեսօրին: Այս քվեարկությունը առաջին, բայց նաև շատ կարևոր հանգրվանն է: Դրական տրամադրությունները նկատելի են Սենատի ներկայացուցիչների մոտ, ինչը հավանական է դարձնում նմանօրինակ բանաձևի ընդունումը: Իսկ այս երկու պալատներում բանաձևի ընդունումն արդեն հզոր լծակ, ձեռքբերում կամ հզոր քաղաքական զենք է հայության համար : Նրա խոսքով քվեարկության արդյունքները շատ կարևոր են հենց այն համատեքստում, որ սրանից առաջ եղած նմանօրինակ բանաձևերը տարբեր առիթներով ու տարբեր շրջանակների միջամտության հետևանքով չեն հասել քվեարկության փուլի:

Մենք հույս ունենք, որ այս անգամ բանաձևը պետք է ընդունվի: Եվ եթե ընդունվի, այն կդիտարկվի թե՛ որպես հաղթանակ, թե՛ որպես հայկական քաղաքական հեղինակության բարձրացում, թե՛ նաև կհարթի ուղի հաջորդ քայլերի համար: Հայ դատի հանձնախումբն անգնահատելի աշխատանք է կատարել այս արդյունքին հասնելու համար: Մեր հազարավոր հայրենակիցները ևս իրենց անգնահատելի ներգործություններն են ունեցել: Հետևաբար՝ մենք գործը հաջողելու մեծ պոտենցիալ ունենք :

Նշենք, որ Արտաքին հարաբերությունների հանձնաժողովի ղեկավար Էլիոթ Էնգելն էլ ասել է. Հայոց կոտորածը ցեղասպանություն էր, և հիմա բոլորս ենք անհանգստացած քրդերի ճակատագրով, այն տեղի է ունենում հենց հիմա, և կրկին Թուրքիան է կանգնած այդ ամենի ետևում, և եթե նախկինում ճիշտ ժամանակը չէր սա անելու համար, հիմա, անկասկած, ճիշտ ժամանակն է ։ Հարցին, թե այս բանաձևի շրջանառումն, արդյոք, կարելի՞ է ԱՄՆ-ի կողմից Թուրքիային դեմարշ համարել, Վիգեն Հովսեփյանը պատասխանեց.

Չգիտեմ սա կարելի՞ է ընդհանրապես ԱՄՆ-ի պաշտոնական քայլ համարել: Համենայնդեպս վաղ է այդպիսի ամբողջական գնահատական տալ: Նախագահի և վարչակազմի կողմից նման բան չի նկատվում, այլ ընդհակառակը տեսնում ենք քայլեր, որոնք միտված են ձախողելու բանաձևը: Բայց այն, որ վերջին շաբաթների ընթացքում թուրքական ռազմավարական սխալները գոնե Կոնգրեսում ստեղծել են Թուրքիայի համար անբարենպաստ իրավիճակ, արդեն պարզ է: Ակնհայտ է, որ հայ քաղաքական շրջանակները ճկուն և արդյունավետ քայլեր կատարեցին, որի արդյունքում էլ ունեցանք այն, ինչ ունեցանք :

Related news

Latest News
Hashtags:   

տարվա

 | 

առաջին

 | 

անգամ

 | 

հավանականությունը

 | 

Ներկայացուցիչների

 | 

պալատում

 | 

կընդունվի

 | 

Հայոց

 | 

ցեղասպանությունը

 | 

ճանաչող

 | 

բանաձևը

 | 

Վիգեն

 | 

Հովսեփյան

 | 
Most Popular (6 hours)

Most Popular (24 hours)

Most Popular (a week)

Sources