Tuesday 10 December 2019
Home      All news      Contact us      English
tert.am - 2 month ago

Ամերիկացի հանրապետականները ներխուժել են լսումների սենյակ և ընդհատել Թրամփի պաշտոնանկության գործընթացի վերաբերյալ լսումները (տեսանյութ)

ԱՄՆ նախագահ Դոնալդ Թրամփի կողմնակից հանրապետական կոնգրեսականները 3 մուտքերից ներխուժել են լսումների գաղտնի սենյակ, որտեղ Ներկայացուցիչների պալատի 3 հանձնաժողովների անդամ դեմոկրատները պետք է լսեին Պենտագոնի բարձրաստիճան պաշտոնյա Լորա Կուպերի վկայությունները Դոնալդ Թրամփի պաշտոնանկության գործընթացի վերաբերյալ գործի շրջանակում: Այս մասին տեղեկացնում է CNN-ը: Նշվում է, որ կոնգրեսականները հանրապետական Մեթ Գետցի գլխավորությամբ լսումների սենյակ են ներխուժել երեք տարբեր մուտքերից՝ այն պահին, երբ Լորա Կուպերը նստել էր, որպեսզի վկայություն տար: Ներխուժողները պահանջել են, որ իրենք էլ ներկա լինեն լսումներին: Հանրապետականներն ու դեմոկրատները սկսել են բղավել միմյանց վրա, սկսվել է ծեծկռտուք, ոստիկանություն է հրավիրվել, իսկ Պենտագոնի ներկայացուցիչը լքել է սենյակը: Բացի այդ, հանրապետականները սենյակ էին ներխուժել իրենց բջջային հեռախոսներով, ինչն արգելված է, քանի որ այդ սենյակը գաղտնի տեղեկատվության քննարկման և մշակման համար է, և այնտեղ մուտք գործողներն իրենց մոտ եղած ամբողջ տեխնիկան սենյակ մտնելուց առաջ պետք է թողնեն հատուկ արկղիկներում: Հանրապետականները նշել են, որ իրենք ներխուժել են սենյակ այն պատճառով, որ դեմոկրատները Թրամփի պաշտոնանկության գործընթացի վերաբերյալ գործը գաղտնի են պահում և թույլ չեն տալիս հասարակությանը ծանոթանալ վկայություններին: Դեմոկրատները նախագահ Թրամփի պաշտոնանկության գործընթացը սկսել էին նրա և Ուկրաինայի նախագահ Վլադիմիր Զելենսկու հեռախոսազրույցի վերաբերյալ սկանդալից հետո: Ինչպես վստահեցնում են ԱՄՆ նախագահի հակառակորդները, հեռախոսազրույցի ժամանակ Թրամփը փորձել է ազդեցություն գործել Զելենսկու վրա, որպեսզի վերջինս հետաքննություն սկսի ԱՄՆ նախկին փոխնախագահ Ջո Բայդենի որդու՝ Ուկրաինայում գործունեության վերաբերյալ՝ փոխարենը Կիևին առաջարկելով ֆինանսական և ռազմական օգնություն: Նշենք, որ դեմոկրատ Ջո Բայդենը պատրաստվում է մասնակցել 2020 թվականին ԱՄՆ-ում կայանալիք նախագահական ընտրություններին: Տեսանյութը այստեղ:

Related news

Latest News
Hashtags:   

Ամերիկացի

 | 

հանրապետականները

 | 

ներխուժել

 | 

լսումների

 | 

սենյակ

 | 

ընդհատել

 | 

Թրամփի

 | 

պաշտոնանկության

 | 

գործընթացի

 | 

վերաբերյալ

 | 

լսումները

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources