Friday 15 November 2019
Home      All news      Contact us      English
tert.am - 23 days ago

Ամուլսարի թնջուկը. իշխանությունները նոր գործիքակազմի միջոցով կփորձեն ճնշում բանեցնել

Ազգային ժողովը հոկտեմբերի 23-ին առաջին ընթերցմամբ ընդունել էր Կառավարության կողմից ներկայացված ՀՀ ընդերքի մասին օրենսգրքում փոփոխություններ և լրացումներ կատարելու մասին և կից ներկայացված օրենքների նախագծերի փաթեթը: Ի թիվս այլ փոփոխությունների, մասնավորապես, առաջարկվում է, որ ընդերքօգտագործման ոլորտում իրական սեփականատերերի հայտարարագիր լրացնելիս իրական սեփականատեր համարվեն նաև տվյալ ընկերության կառավարման միանձնյա և կոլեգիալ մարմինների անդամ ֆիզիկական անձինք: Ըստ փաթեթի՝ իրական սեփականատերերի հայտարարագրի կամ իրական սեփականատերերի վերաբերյալ փոփոխված տեղեկությունների վերաբերյալ քաղվածք ներկայացնելու պարտավորություն ունեցող իրավաբանական անձանց դեպքում իրական սեփականատերերի հայտարարագիր լրացնելիս իրական սեփականատեր են համարվում նաև տվյալ ընկերության կառավարման միանձնյա և կոլեգիալ մարմինների անդամ ֆիզիկական անձինք: Այսպիսով՝ ընդլայնվում է ընդերքի ոլորտում իրական սեփականատերերի հասկացությունը: Պետք է արձանագրել, որ Հայաստանում իրական սեփականատերերի բացահայտման գործընթացն սկսվել է Արդյունահանող ճյուղերի թափանցիկության նախաձեռնության (ԱՃԹՆ)՝ բնական պաշարների բաց և հաշվետու կառավարումը խթանող համաշխարհային ստանդարտի ներդրման շրջանակում։ Նկատենք, որ հարցը վիճելի է համարվում հատկապես Հայաստան ներդրումներ բերելու տեսանկյունից, քանի որ մեծ հարց է մնում այն, թե այս ամենից հետո ներդրողներին որքանո՞վ գրավիչ կթվա Հայաստանի հանքարդյունաբերության ոլորտն առհասարակ: ԱԺ կողմից կայացված որոշումն, իհարկե, ուշագրավ է նաև մեկ այլ տեսանկյունից՝ Ամուլսարի խնդրի: Ի դեպ, վերջինիս մասին հոկտեմբերի 23-ին խոսել էր փոխվարչապետ Տիգրան Ավինյանը Թբիլիսիում հայ համայնքի հետ ունեցած հանդիպմանը: Նա, մասնավորապես, անդրադառնալով հանքի շահագործման դեմ հնչող բողոքների թեմային, հայտարարել էր. Ես ձեզ նաև տեղեկացնեմ, որ Ամուլսարի դեմ արշավն, ընդհանուր առմամբ, միանշանակ արշավ չէ, որովհետև կան անկեղծ ու ազնիվ մարդիկ, որոնք իրապես հավատում են, որ այս ծրագիրն աղետ է, բայց կան նաև մարդիկ, որոնք ուղղակիորեն կապված են գործող հանքարդյունաբերական որոշակի գործարարների հետ, որոնք, որ գործում են Հայաստանի Հանրապետության տարածքում, և այդ մարդիկ բավականին լուրջ ֆինանսական միջոցներ են ներդնում, համենայն դեպս՝ նախկինում ներդնում էին, որպեսզի այս արշավը կազմակերպվի, թե չէ ձեզ վստահեցնում եմ՝ Ամուլսարի մասին դուք չէիք լսելու, որովհետև նմանատիպ հնչեղություն տալու համար լուրջ ֆինանսական միջոցներ են պետք և լուրջ արշավ է պետք կազմակերպել, որ ինտենսիվորեն դեռ 2016-17թթ-ից արվում է : Նկատենք նաև, որ հանքերի իրական տերերի, հանքատերերի թեմային նախկինում անդրադարձել էր նաև Նիկոլ Փաշինյանը Ամուլսարի թեմայի շրջանակներում, մի փուլում, երբ խնդի շուրջ լուրջ կրքեր էին բորբոքվում: Այսպիսով՝ ի՞նչ է տալու իշխանություններին չափանիշների խստացումը: Կասկած չկա, որ այդ ամենն օգնելու է Կառավարությանը Ամուլսարի խնդրի լուծման ճանապարհին ընդլայնել ձեռքի տակ եղած գործիքակազմը՝ ցանկության դեպքում դոզավորված ձևով ճնշելու բողոքի ակցիաների հետևում կանգնած ուժերին: Նույն Ավինյանը, փաստորեն, հայտարարում է, որ իրենք գիտեն, թե ովքեր են ֆինանսավորողները: Միջազգային ստանդարտների ներդրման քողի տակ իշխանություններն, իրականում, փորձելու են արդյունավետորեն լուծել առաջին հերթին իրենց համար իրապես քաղաքական հարցի վերածված Ամուլսարի թնջուկը՝ հարկ եղած դեպքում ընտրության առաջ կանգնեցնելով բողոքի ակցիաների հովանավորներին, ինչը պետք է որ օգնի Ամուլսարի խնդիրն առանց ավելորդ աղմուկի, հնարավորինս արագ լուծման խնդրում: Սեղանին դրված է արտաքին ուժերի սպասելիքներն արդարացնել-չարդարացնելու հարցը, իսկ դա մի թեմա է, որի կողքով իշխանություններն ուղղակի չեն կարողանալու անտարբեր անցնել: Իշխանություններին ի սկզբանե էլ շատ քիչ է հետաքրքրել Ամուլսարի ծրագրի հետևանքով ի հայտ գալիք ռիսկերի խնդիրը: Նրանք այս հարցում, ինչպես և մնացյալ այլ հարցերում, հիմնականում առաջնորդվում են՝ ելնելով այսրոպեական քաղաքական շահերից, իսկ դրանք պարտադրում են՝ հանքը պետք է աշխատի: Արմեն Կարեյան

Related news

Latest News
Hashtags:   

Ամուլսարի

 | 

թնջուկը

 | 

իշխանությունները

 | 

գործիքակազմի

 | 

միջոցով

 | 

կփորձեն

 | 

ճնշում

 | 

բանեցնել

 | 
Most Popular (6 hours)

Most Popular (24 hours)

Most Popular (a week)

Sources