Sunday 17 November 2019
Home      All news      Contact us      English
tert.am - 26 days ago

Մոսկվայում տեղի է ունեցել ԱՊՀ անդամ պետությունների ՆԳՆ խորհրդին կից գիտական խորհրդատվական խորհրդի նիստը (տեսանյութ)

Օրերս Մոսկվայում տեղի ունեցավ ԱՊՀ անդամ պետությունների ներքին գործերի նախարարների խորհրդին կից գիտական խորհրդատվական խորհրդի հերթական նիստը: Այս մասին տեղեկացնում է ՀՀ ոստիկանությունը։ Բացման խոսքով հանդես եկավ Գիտական խորհրդատվական խորհրդի նախագահ Վալերի Կոժոկարը։ Նա նշեց, որ հանցավոր արարքների նոր մեթոդների և ձևերի ի հայտ գալը ժամանակակից աշխարհում որակապես վերափոխում է հանցավոր միջավայրը: Այս փոփոխությունների պայմաններում ներքին գործերի մարմինները ավելի հաճախ են սկսել իրենց աշխատանքի մեջ առնչվել կազմակերպված հանցավորության աճող դիմադրության հետ, որը դրսևորվում է տարբեր ձևերով: Քննարկվեց համագործակցության արդյունավետությունը ԱՊՀ անդամ պետությունների միջև՝ միջազգային ահաբեկչության, անդրազգային հանցավորության, մարդկանց առևտրի, զենք-զինամթերքի, թմրամիջոցների ապօրինի շրջանառության և ապօրինի միգրացիայի դեմ պայքարի ոլորտում: Ըստ բանախոսների՝ տեղեկատվական տեխնոլոգիաների ոլորտում կատարվող հանցագործությունների պես նոր սպառնալիքի ի հայտ գալը պահանջում է ԱՊՀ մասնակից պետությունների ՆԳ մարմինների հատուկ ուշադրությունը: Ինտերնետ համաշխարհային ցանցի միջոցով կատարվում են խարդախություններ բանկային ոլորտում, հանցավոր նպատակներով օգտագործվում է կրիպտոտարադրամը, իրականացվում է թմրամիջոցների և հոգեմետ նյութերի, զենքի տարածում, անչափահասների ներգրավում ծայրահեղական և ահաբեկչական ուղղվածություն ունեցող դեստրուկտիվ խմբերում, որոնք էլ նրանց ինքնասպանության են հասցնում: Այս առումով առանձնահատուկ կարևորվեց հանցավորության դեմ պայքարի ոլորտում ԱՊՀ մասնակից պետությունների ՆԳ մարմինների համատեղ գործողությունների իրականացումը, նաև՝ այդ աշխատանքների արտացոլումը գիտական գրականության մեջ: Նիստի ավարտին ՌԴ ՆԳ նախարարի որոշմամբ գիտական խորհրդատվական խորհրդի անդամները պարգևատրվեցին հուշանվերներով:



Related news

Latest News
Hashtags:   

Մոսկվայում

 | 

ունեցել

 | 

անդամ

 | 

պետությունների

 | 

խորհրդին

 | 

գիտական

 | 

խորհրդատվական

 | 

խորհրդի

 | 

նիստը

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources