Thursday 14 November 2019
Home      All news      Contact us      English
tert.am - 22 days ago

«ԱՄՆ-ն չի կատարել իր խոստումները կապված Սիրիայում հրադադարի հետ». Էրդողան

Թուրքիայի և ԱՄՆ-ի միջև օրեր առաջ ձեռք բերված 120-ժամյա հրադադարի մասին պայմանավորվածության ժամկետը սպառվել է: Հրադադարը նախատեսված էր քրդերին Սիրիայի հյուսիսում անվտանգության գոտուց դուրս բերելու համար: Այս մասին հայտարարել է Թուրքիայի նախագահ Ռեջեփ Թայիփ Էրդողանը՝ հավելելով, որ ԱՄՆ-ն այս ընթացքում չի կատարել իր խոստումները, փոխանցում է թուրքական NTV հեռուստաալիքը: Խոստումները չեն կատարվել, և եթե մենք զիջումների գնանք, ապա ճանապարհ կբացվի ահաբեկչական կազմակերպության համար ,- հայտարարել է Էրդողանը: Թուրքիայի պաշտպանության նախարարության տվյալներով՝ քրդական խմբավորումների դուրսբերման ընթացքում գրանցվել է 42 խախտում: Ավելի վաղ Թուրքիայի պաշտպանության նախարարությունը հայտնել էր, որ Սիրիայի հյուսիսում ռազմական գործողությունը փաստացի դադարեցված է, և ներկայում կարիք չկա անվտանգության գոտուց դուրս նոր գործողություն սկսելու: Հիշեցնենք, որ հոկտեմբերի 9-ին Թուրքիան հայտարարել էր Սիրիայի հյուսիսում ռազմական գործողության մեկնարկի մասին, որի արդյունքում երկիրն արդեն հարվածներ է հասցրել սիրիական Թել Աբյադ, Ռաս էլ Այն քաղաքներին ու այլ բնակավայրերի: Նպատակը տարածքը ՔԱԿ-ի ահաբեկիչներից մաքրելն է եղել, այնտեղ անվտանգության գոտի ստեղծելն ու 3-4 միլիոն սիրիացի փախստականներին այնտեղ բնակեցնելը: Հոկտեմբերի 17-ին Թուրքիայի նախագահ Ռեջեփ Թայիփ Էրդողանի, ԱՄՆ փոխնախագահ Մայք Փենսի և ԱՄՆ պետքարտուղար Մայք Պոմպեոյի բանակցությունների արդյունքում Թուրքիան պարտավորվել էր 120 ժամով դադարեցնել իր գործողությունները, որպեսզի քրդական ջոկատները հեռանան 30 կմ-անոց անվտանգության գոտուց :

Related news

Latest News
Hashtags:   

կատարել

 | 

խոստումները

 | 

կապված

 | 

Սիրիայում

 | 

հրադադարի

 | 

Էրդողան

 | 
Most Popular (6 hours)

Most Popular (24 hours)

Most Popular (a week)

Sources