Tuesday 12 November 2019
Home      All news      Contact us      English
tert.am - 20 days ago

ԱԺ-ն ԱԱԾ և ոստիկանության պետերին առնչվող օրինագիծը չընդունեց և ուղարկեց առաջարկների ստացման փուլ

ՀՀ Ազգային ժողովը երկրորդ ընթերցմամբ չընդունեց Ազգային անվտանգության ծառայության տնօրենի և Ոստիկանության պետի համար պատգամավորի թեկնածուին ներկայցվող պահանջներ սահմանելու վերաբերյալ Լուսավոր Հայաստան խմբակցության ներկայացրած օրենքի նախագիծը: Խորհրդարանն այն քվեարկությամբ ուղարկվեց գրավոր առաջարկների ստացման փուլ: Արմենպրես -ի փոխանցմամբ նախագիծը գրավոր առաջարկների ներկայացման փուլ ուղարկելու ԱԺ որոշման նախագիծը ստացավ 113 կողմ ձայն: Նախագիծը գրավոր առաջարկների ստացման փուլ ուղարկելու առաջարկ արեց խմբակցության ղեկավար Էդմոն Մարուքյանը: Նախորդ օրը նախագծի քննարկմանը Իմ քայլը խմբակցության պատգամավոր Վլադիմիր Վարդանյանը, հիշեցնելով, որ սկզբունքորեն իրենք կողմ են նախագծի բովանդակությանը, առաջարկեց դեմ քվեարկել դրան, հետ ուղարկել երկրորդ ընթերցման առաջարկությունների փուլ և լրամշակելուց ու համալրելուց հետո միայն փաթեթն ընդունել: Վարդանյանը հիշեցրեց՝ ԱԺ կանոնակարգով սահմանվում է, որ եթե նախագիծը չի ընդունվում, ապա քվեարկությունից անմիջապես հետո հիմնական զեկուցողը կարող է առաջարկել ԱԺ որոշմամբ նախագծի քննարկումը վերադարձնել գրավոր առաջարկների ներկայացման փուլ, որը քվեարկության է դրվում առանց քննարկման: Արդյունքում նա նախագծի հեղինակին առաջարկեց այս նորմով առաջնորդվելով, նման առաջարկ ներկայացնել ԱԺ-ին: Լուսավոր Հայաստան խմբակցության ղեկավարն իր ելույթում նշեց, որ պատրաստ են դրան: Ազգային անվտանգության մարմիններում ծառայության մասին , ՀՀ օրենքում փոփոխություններ կատարելու մասին , Ոստիկանությունում ծառայության մասին , ՀՀ օրենքում փոփոխություններ կատարելու մասին , Հանրային ծառայության մասին ՀՀ օրենքում լրացում կատարելու մասին օրենքի նախագծով առաջարկվում էր Ազգային անվտանգության ծառայության տնօրենի և Ոստիկանության պետի պաշտոնները հանել ոստիկանության պաշտոնների և ազգային անվտանգության մարմինների ծառայողների պաշտոնների անվանացանկերից և դրանք համարել քաղաքական պաշտոններ՝ այդ աշխատատեղերում նշանակվող անձանց համար ևս սահմանելով պատգամավորի թեկնածուին ներկայացվող պահանջները:

Related news

Latest News
Hashtags:   

ոստիկանության

 | 

պետերին

 | 

առնչվող

 | 

օրինագիծը

 | 

չընդունեց

 | 

ուղարկեց

 | 

առաջարկների

 | 

ստացման

 | 
Most Popular (6 hours)

Most Popular (24 hours)

Most Popular (a week)

Sources