Sunday 17 November 2019
Home      All news      Contact us      English
tert.am - 26 days ago

Ես պնդում է, որ Արսեն Բաբայանը քաղբանտարկյալ է. Ռուբեն Մելիքյան

Ես պնդում եմ, որ Արսեն Բաբայանը քաղբանտարկյալ է: Այս մասին ի աջակցություն ԱԺ աշխատակազմի ղեկավարի նախկին տեղակալ Արսեն Բաբայանի իրականացվող ակցիայի ընթացքում լրագրողների հետ զրույցում ասաց Իրավական ուղի ՀԿ համահիմնադիր Ռուբեն Մելիքյանը: Քաղբանտարկյալ է հենց այն կետով, որ նա այս պայմաններով չէր կարող ազատությունից զրկված լինել, հիմքը չկար: Դա ինքնին չէր նշանակի քաղաքական բանտարկյալ, եթե քաղաքական էլեմենտ չլիներ, իսկ քաղաքական էլեմենտն ակնհայտ է, դա իշխանությունների, կարծեմ ակնհայտ ձևով հայտարարված, վկայակոչված քաղաքականությունն է ՍԴ նախագահ Հրայր Թովմասյանից ձերբազատվելու և Սահմանադրական դատարանը վերահսկողության տակ վերցնելու ,-մեկնաբանեց Մելիքյանը ընդգծելով, որ այս պահի դրությամբ երկրում շատ հստակ քաղաքականություն է իրականացվում Հրայր Թովմասյանի նկատմամբ կոլցո օպերացիա իրականացնելու համար: Անդրադառնալով ՔՕ 314-րդ հոդվածի 1-ին՝ պաշտոնական կեղծիք կատարելու մասով հարուցված քրեական գործին Ռուբեն Մելիքյանն ասաց. Քանի որ ՔՕ 314 հոդվածը համաներման հոդված է, ես մի բան նշեմ անկախ ամեն ինչից, եթե մեղադրանքն առաջադրվեր 314-ով, ինչպես կասկածն է առաջադրվել, եթե անգամ այդ գործը հասներ դատարան, դատարանն այդ անձին դատապարտեր, որևէ բացասական հետևանք Արսեն Բաբայանի ազատության համար սա չէր կարող առաջացնել: Արսեն Բաբայանին չպետք է ձերբակալեին : Նրա կարծիքով այն բողոքի ալիքը, տարակուսանքի ալիքը, բացասական վերաբերմունքը, որ երեկվանից հասարակության մեջ սկսվեց, ստիպել է իրավապահ մարմիններին, որ մեկ այլ հանցակազմ գտնեն, և այդ մեղադրանքը իշխանությանը զավթելուն օժանդակելու մեղադրանքն է: Մենք ակնկալում ենք, որ այս գիշեր Արսեն Բաբայանն իր ընտանիքի հետ է անցկացնելու, ես ակնկալում եմ, որ մենք մի օր վերջ ենք տալու մեր գնալով ցածրության նոր մակարդակներ գրանցող իրավական մշակույթի քանդման պրոցեսին: Ես հույս ունեմ, որ դա դեռ հնարավոր է ,-ասել է Մելիքյանը: Հիշեցնենք, որ երեկ ձերբակալվել է ԱԺ աշխատակազմի ղեկավարի նախկին տեղակալ Արսեն Բաբայանը: Այժմ Երևան քաղաքի ընդհանուր իրավասության դատարանի Կենտրոն և Նորք-Մարաշ նստավայրում՝ դատավոր Կարեն Ֆարխոյանի նախագահությամբ քննվում է Արսեն Բաբայանի ձերբակալության դեմ փաստաբանների բողոքը: Արսեն Բաբայանի աջակիցները բողոքի ակցիա են կազմակերպել դատարանի դիմաց:

Related news

Latest News
Hashtags:   

պնդում

 | 

Արսեն

 | 

Բաբայանը

 | 

քաղբանտարկյալ

 | 

Ռուբեն

 | 

Մելիքյան

 | 
Most Popular (6 hours)

Most Popular (24 hours)

Most Popular (a week)

Sources