Sunday 17 November 2019
Home      All news      Contact us      English
tert.am - 27 days ago

Ժողովուրդը պետք է իմանա, թե իր հարկերի հաշվին կերակրվող պետական պաշտոնյան ինչի համար է աշխատավարձ ստանում. Գևորգ Պետրոսյան

Ժողովուրդը պետք է իմանա, թե իր վճարած հարկերի հաշվին կերակրվող պետական պաշտոնյան ինչի համար է աշխատավարձ ստանում: Այս մասին ԱԺ-ում լրագրողների հետ զրույցում ասաց Բարգավաճ Հայաստան խմբակցության պատգամավոր Գևորգ Պետրոսյանը՝ անդրադառնալով վարչապետի գաղտնի հանձնարարականով նախարարների աշխատավարձերը բարձրացնելու հարցին:

Այն, ինչը պետք է գաղտնի անեն, չեն անում, ինչը, որ պետք չէ՝ անում են: Նախաքննական մարմինը մեկին կանչում է, ամբողջ հայ ազգը իմանում է: Այսինքն, այն, ինչը գաղտնի է, գաղտնի չեն պահել: Իսկ ինչը հրապարակման ենթակա է, ասում են՝ գաղտնի է: Ես այստեղ գաղտնիություն չեմ տեսնում, հակառակը՝ ժողովուրդը պետք է իմանա, թե իր աշխատավարձի հաշվին, իր հարկերի հաշվին կերակրվող պետական պաշտոնյան ինչի համար է աշխատավարձ ստանում ,- նշեց Գևորգ Պետրոսյանը:

Նրա խոսքով՝ վարչապետը չի կարող միանձնյա որոշում կայացնելով պետական պաշտոնյայի աշխատավարձ բարձրացնել: Ըստ օրենքի՝ աշխատավարձը փոփոխելու իրավունքը վերապահված է բացառապես Ազգային ժողովին:

Գուցե խրախուսում է եղել: Իմ կարծիքով՝ ճիշտ կլինի, որ անձամբ վարչապետը կամ իր մամուլի խոսնակը հստակ գնահատական տան՝ դա ճիշտ է, թե ոչ ,- ասաց պատգամավորը: Դիտարկմանը, որ դեռևս չի հերքվել տեղեկությունը, Գևորգ Պետրոսյանը նշեց. Չհերքելը այլ բան է, բայց հաստատելը մեկ այլ բան է : Հիշեցնենք, որ hetq.am-ը գրել էր, որ վարչապետ Նիկոլ Փաշինյանի գաղտնի հանձնարարականով էականորեն բարձրացել են նախարարների, փոխնախարարների և նախարարությունների գլխավոր քարտուղարների աշխատավարձերը։ Հանձնարարականը տրվել է հուլիս ամսին։

Related news

Latest News
Hashtags:   

Ժողովուրդը

 | 

իմանա

 | 

հարկերի

 | 

հաշվին

 | 

կերակրվող

 | 

պետական

 | 

պաշտոնյան

 | 

համար

 | 

աշխատավարձ

 | 

ստանում

 | 

Գևորգ

 | 

Պետրոսյան

 | 
Most Popular (6 hours)

Most Popular (24 hours)

Most Popular (a week)

Sources