Friday 22 November 2019
Home      All news      Contact us      English
tert.am - 1 month ago

Հատուկ քննչական ծառայությունն խախտել է Համաներման մասին օրենքը. Արսեն Բաբայանը ոչ միայն չպետք է ձերբակալվեր, այլ նաև այդ հոդվածով քրեական գործ չպետք է հարուցվեր

Հատուկ քննչական ծառայությունն Արսեն Բաբայանին ձերբակալելով օրենք է խախտել։ Այսպես։ Էրեբունի-Երևանի հիմնադրման 2800-ամյակի և Հայաստանի Առաջին Հանրապետության 100-ամյակի կապակցությամբ համաներում հայտարարելու մասին օրենքի 1֊ին հոդվածի առաջին կետով սահմանվում է. Համաներում հայտարարելով՝ պատժից ազատել առավելագույնը չորս տարի ժամկետով ազատությունից զրկելու հետ կապված պատժի դատապարտված անձանց ։ ՀՀ քրեական օրենսգրքի 314-րդ հոդվածի 1-ին մասով նախատեսված հանցավոր արարք կատարելու կասկածանքով է ձերբակալվել ՀՀ ԱԺ աշխատակազմի ղեկավարի նախկին տեղակալ Արսեն Բաբայանը։ ՀՀ ՔՕ֊ի 314֊րդ հոդվածի 1-ին հոդվածը նախատեսում պատիժ՝ տուգանք՝ նվազագույն աշխատավարձի երկուհարյուրապատիկից հինգհարյուրապատիկի չափով, կամ ազատազրկմամբ՝ առավելագույնը չորս տարի ժամկետով՝ որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով՝ առավելագույնը երեք տարի ժամկետով: Նույն օրենքի 2֊րդ մասի 5֊րդ կետը սահմանում է. քրեական գործի հարուցումը մերժել, հարուցված քրեական գործը կարճել, ինչպես նաև դադարեցնել քրեական հետապնդումը կամ չիրականացնել քրեական հետապնդում 2018 թվականի հոկտեմբերի 21-ը ներառյալ կատարած հանցագործությունների դեպքերով (բացառությամբ անմիջականորեն մարդու մահվան հանգեցրած դեպքերի, որոնցով առկա է տուժողի իրավահաջորդի առարկությունը), որոնցով՝ 1) անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ ոչ ավելի քան չորս տարի ժամկետով։ Այսինքն, համաներման մասին օրենքով Արսեն Բաբայանին ՀՔԾ-ն ոչ միայն պետք է չկալանավորեր, այլ մինչև 2018֊ի հոկտեմբերի 21֊ը ենթադրյալ կատարված արարքով քրեական գործ չպետք է հարուցեր։ Արմեն Կարեյան

Related news

Latest News
Hashtags:   

Հատուկ

 | 

քննչական

 | 

ծառայությունն

 | 

խախտել

 | 

Համաներման

 | 

մասին

 | 

օրենքը

 | 

Արսեն

 | 

Բաբայանը

 | 

միայն

 | 

չպետք

 | 

ձերբակալվեր

 | 

հոդվածով

 | 

քրեական

 | 

չպետք

 | 

հարուցվեր

 | 
Most Popular (6 hours)

Most Popular (24 hours)

Most Popular (a week)

Sources