Saturday 23 November 2019
Home      All news      Contact us      English
tert.am - 1 month ago

Գործադիրի անդամների աշխատավարձը բարձրացնելու Փաշինյանի գաղտնի որոշումն ապացուցում է՝ վարչապետի հայտարարությունները և գործերն իրար չեն համապատասխանում. քաղաքագետ

Սա հերթական քայլն է, որը վկայում է այն մասին, որ Նիկոլ Փաշինյանի հայտարարությունները և գործերը միմյանց չեն համապատասխանում: Այս մասին Tert.am-ի հետ զրույցում ասաց քաղաքագետ Հրանտ Մելիք-Շահնազարյանը անդրադառնալով հրապարակմանը, որ վարչապետ Նիկոլ Փաշինյանի գաղտնի հանձնարարականով էականորեն բարձրացել են նախարարների, փոխնախարարների և նախարարությունների գլխավոր քարտուղարների աշխատավարձերը։ Ըստ էության, Նիկոլ Փաշինյանն իր գործելաոճում առաջնորդվում է ոչ թե թափանցիկությամբ և հանրության առաջ լիարժեք պատասխանատվությամբ, այլ ըստ իր քաղաքական նպատակահարմարության և ըստ իր քաղաքական ծրագրերի: Այսինքն առաջնահերթություն տրվում են ոչ թե հռչակված արժեքները և մոտեցումները, այլ այն, ինչը լավագույնս համապատասխանում է Փաշինյանի քաղաքական թիմի նեղ շահերին ,-ասաց նա: Հրանտ Մելիք-Շահնազարյանը նկատեց, որ թեև վարչապետը և իր ամբողջ թիմը անվերջ խոսում են այն մասին, որ իշխանությունը պատկանում է ժողովրդին, բայց իրենց գործողություններում շատ ավելի փակ են և հեռու են գնում, քան Հայաստանի նախկին իշխանությունները, որոնց իրենք մինչ օրս էլ ակտիվ քննադատում են: Վարչապետը կարող էր բաց հայտարարել այդ մասին, և հիմնավորումներ կան, և հաշվի առնելով այն, որ նույնիսկ իր անտրամաբանական որոշումներն է ծափահարություններով ընդունվում հասարակության մեծ հատվածի կողմից, կարող էր այս որոշումը ևս այդպես ընդունվել, բայց փաստ է, որ վարչապետը որոշել է դա քողարկել և ծածուկ պահել ,-ասաց նա: Քաղաքագետը նշեց, որ մենք դեռևս գիտենք նախարարների, փոխնախարարների և վարչության պետերի աշխատավարձերի մասին, և չի բացառվում, որ նման գաղտնի որոշումներ այլ ոլորտներում ևս կան, որոնք կարող են վերաբերել ֆինանսական այլ հարցերին: Նա նաև նկատեց, որ ԱՄՆ ճամփորդության ծախսերի վերաբերյալ հստակ պատասխաններ չտրվեցին, իսկ ֆինանսների գաղտնի շրջանառությունը հենց կոռուպցիայի հիմնական նշաններից մեկն է: Այս իշխանությունը բաց չէ հանրության առաջ, այնպես, ինչպես իրենք են ներկայացնում, կան թաքուն գաղտնի որոշումներ, և այդ որոշումների արդյունքում իշխանական թիմի ներկայացուցիչների եկամուտները մեծանում են ,-ասաց նա:

Related news

Latest News
Hashtags:   

Գործադիրի

 | 

անդամների

 | 

աշխատավարձը

 | 

բարձրացնելու

 | 

Փաշինյանի

 | 

գաղտնի

 | 

որոշումն

 | 

ապացուցում

 | 

վարչապետի

 | 

հայտարարությունները

 | 

գործերն

 | 

համապատասխանում

 | 

քաղաքագետ

 | 
Most Popular (6 hours)

Most Popular (24 hours)

Most Popular (a week)

Sources