Friday 22 November 2019
Home      All news      Contact us      English
tert.am - 1 month ago

Նիկոլն ու իր «թայֆեն» բռնազավթել են գործադիր և օրենսդիր իշխանությունները, փորձում են զավթել նաև դատականը. ՀՀ կառավարվում է ոչ թե սահմանադրությամբ, այլ մեկ անձի կամոք. Մենուա Հարությունյան (տեսանյութ)

Խնդիրը հստակ է դրված՝ բոլոր նրանք, ովքեր ցանկանում են ծառայել երկրի Սահմանադրությանը, պետք է հեռանան, իսկ նրանք, ովքեր ցանկանում են ծառայել Նիկոլ Փաշինյանի կամքին, նրանք կարող են մնալ: Այս մասին Tert.am-ի հետ զրույցում ասաց քաղաքական վերլուծաբան Մենուա Հարությունյանը՝ անդրադառնալով ՍԴ նախագահի նկատմամբ իրականացվող գործողություններին: 6-րդ գումարման ԱԺ-ն ընտրել է գլխավոր դատախազին, ԿԸՀ նախագահին, որոնք լեգիտիմ են, բայց նույն խորհրդարանը նաև ընտրել է Հրայր Թովմասյանին, բայց ահա Հրայր Թովմասյանը լեգիտիմ չէ: Գիտեք, Նիկոլի թայֆայում անկեղծություն կա: Օրինակ՝ ԱԺ նախագահը հստակ ասաց, որ Հրայր Թովմասյանը շանս ուներ մնալու, բայց նա իր շանսը կորցրեց: Սա նշանակում է, որ եթե Հրայր Թովմասյանը ևս համաձայներ ծառայել ոչ թե երկրի Սահմանադրությանը և օրենքներին, այլ Նիկոլի կամքին, նա կմնար ,- նշեց Մենուա Հարությանը: Ըստ նրա՝ ներկայիս քաղաքական իշխանությունները խորհրդարանում և կառավարությունում մեծամասնություն կազմելուց հետո, այժմ էլ փորձում են դատական իշխանության նկատմամբ վերահսկողություն սահմանել: Նիկոլն ու իր թայֆեն բռնազավթել են գործադիր և օրենսդիր իշխանությունները, հիմա խնդիր են դրել բռնազավթելու նաև դատականը: Դատական իշխանության մի մասը արդեն կարողացել են բռնազավթել, բայց վերջնական փաթեթը ձեռք բերելու համար իրենց ամեն գնով պետք է բռնազավթել նաև ՍԴ-ն: Հայաստանը ոչ թե սահմանադրական պետություն է, այլ դիկտատուրա, որը կառավարվում է մեկ մարդու կամոք: Կռիվը գնում է ոչ թե Նիկոլի և Հրայրի միջև, ոչ թե Նիկոլի ու Ռոբերտ Քոչարյանի միջև, այլ խնդիրը հետևյալն է՝ Նիկոլը պատերազմ է հայտարարել ՀՀ-ին, ՀՀ սահմանադրական և ժողովրդական դեմքին ,- ասաց նա:

Վերլուծաբանի կարծիքով՝ մեկ անձի կողմից կառավարվելու դեպքում Հայաստանը չի կարող զարգանալ, ներդրումներ և տնտեսական աճ ապահովել: Նիկոլ Փաշինյանը խոստանում էր տնտեսական թռիչքաձև աճ, նա չէր ասում մի փոքր ձեր աշխատավարձերը բարձրացնենք, հասարակությունը նրանից լուրջ դրական փոփոխություններ էր սպասում: Նիկոլենք գալիս հարամ են անում տնտեսության զարգացման պիկը, որը Կարեն Կարապետյանի կառավարությունն էր ապահովել, վերցնում են մոտ 10 տոկոս տնտեսական աճով տնտեսություն, և այսօր մեզ ասում են, որ 5 տոկոսանոց աճ են ապահովելու: Սա ևս հերթական խաբկանքն է, հերթական սրիկայությունն էր, որ արեցին մեր տնտեսության և բիզնեսի նկատմամբ: Գետնին պառկած նկարներով հասարակությանը չես կարող կերակրել, հիմա պետք է աշխատես, խոսելու ժամանակն անցել է ,- ասաց նա: Մենուա Հարությունյանը նկատում է, որ իշխանությունները դատական համակարգի նկատմամբ գործողություններ սկսեցին կատարել 2-րդ նախագահ Ռոբերտ Քոչարյանի խափանման միջոցի փոփոխությունից հետո: Դատական իշխանության նկատմամբ Նիկոլենց գրոհը սկսեց այն բանից հետո, երբ դատական իշխանությունը սկսեց չծառայել Նիկոլի կամքին և սկսեց իրավական որոշումներ կայացնել՝ հօգուտ Ռոբերտ Քոչարյանի: Ամբողջ գործընթացը դատական իշխանության դեմ Ռոբերտ Քոչարյանի հարցի տրամաբանության շրջանակում է: Խնդիրը ամեն գնով Ռոբերտ Քոչարյանին կալանքի տակ պահելն է: Այսօր երկրում Սահմանադրության փոխարեն Նիկոլի կամքն է գործում: Փաշինյանը շատ լավ գիտի, որ սահմանադրական կարգը տապալելով՝ բռնազավթել է իշխանությունը, իսկ հիմա ամեն գնով դա պետք է պահի: Իշխանությունը կորցնելու հաջորդ օրը նա հայտնվելու է բանտում ,- նշեց նա: Քաղաքական վերլուծաբանի խոսքով՝ դատական համակարգի նկատմամբ գործողություններից հետո հաջորդ թիրախը լինելու են զանգվածային լրատվամիջոցները. Ես ասել եմ ժամանակին՝ թույլ եք տալիս բռնազավթել գործադիրը, հաջորդը լինելու է օրենսդիրը, հետո դատականը, իսկ վերջում 4-րդ իշխանությունը : Եթե նա վերահսկողություն չունենա ԶԼՄ-ների վրա, շատ արագ այս փուչիկը պայթելու է: Եթե այլընտրանքային կարծիք չլսեն քաղաքացիները, իրենք կսկսեն երկար ժամանակ հավատալ, որ ամեն ինչ շատ լավ է :

Related news

Latest News
Hashtags:   

Նիկոլն

 | 

թայֆեն

 | 

բռնազավթել

 | 

գործադիր

 | 

օրենսդիր

 | 

իշխանությունները

 | 

փորձում

 | 

զավթել

 | 

դատականը

 | 

կառավարվում

 | 

սահմանադրությամբ

 | 

կամոք

 | 

Մենուա

 | 

Հարությունյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources