Friday 22 November 2019
Home      All news      Contact us      English
azatutyun - 1 month ago

Փաշինյանը և Չեխիայի նորանշանակ դեսպանը քննարկել են առևտրատնտեսական գործակցության ընդլայնման հարցեր

Վարչապետ Նիկոլ Փաշինյանն այսօր ընդունել է Հայաստանում Չեխիայի նորանշանակ դեսպան Բեդրիխ Կոպեցկիին: Տեղեկացնում է Վարչապետի աշխատակազմի տեղեկատվության և հասարակայնության հետ կապերի վարչությունը։ Նիկոլ Փաշինյանը գոհունակությամբ է հիշել այս տարի սեպտեմբերին Նյու Յորքում՝ ՄԱԿ-ի կենտրոնակայանում, Չեխիայի վարչապետի հետ հանդիպումը, որի ընթացքում քննարկվել են փոխգործակցության հարցեր, և պայմանավորվածություն է ձեռք բերվել՝ ակտիվացնել բարձրաստիճան պաշտոնական փոխայցերը: Վարչապետը երախտագիտություն է հայտնել Չեխիայի խորհրդարանի կողմից ՀՀ-ԵՄ Համապարփակ և ընդլայնված գործընկերության համաձայնագրի վավերացման համար՝ նշելով, որ փաստաթղթի արագ վավերացումը կնպաստի ՀՀ բարեփոխումների օրակարգի արդյունավետ իրագործմանը։ Հայաստանում Չեխիայի դեսպանը նշել է, որ Չեխիան սատարում է Հայաստանի ժողովրդավարական բարեփոխումներին և պատրաստ է ինչպես երկկողմ, այնպես էլ բազմակողմ՝ Եվրամիության, Արևելյան գործընկերության ձևաչափերում զարգացնել կապերը: Նույն աղբյուրի հաղորդմամբ՝ զրուցակիցները քննարկել են փոխշահավետ ուղղություններով առևտրատնտեսական գործակցության ընդլայնման հարցեր, անդրադարձել օդային ուղիղ հաղորդակցության հաստատման հնարավորություններին, մտքեր փոխանակել ԵՄ շրջանակում մուտքի արտոնագրերի ազատականացման գործընթացի շուրջ: Վարչապետը կարևորել է Չեխիայի հավասարակշռված դիրքորոշումը՝ Լեռնային Ղարաբաղի հակամարտության խաղաղ կարգավորման գործընթացում:

Related news

Latest News
Hashtags:   

Փաշինյանը

 | 

Չեխիայի

 | 

նորանշանակ

 | 

դեսպանը

 | 

քննարկել

 | 

առևտրատնտեսական

 | 

գործակցության

 | 

ընդլայնման

 | 

հարցեր

 | 
Most Popular (6 hours)

Most Popular (24 hours)

Most Popular (a week)

Sources