Monday 18 November 2019
Home      All news      Contact us      English
azatutyun - 28 days ago

Գարեգին արքեպիսկոպոս Բեքչյանը չի առաջադրվի Պոլսո Հայոց պատրիարքի ընտրություններում

Պոլսո Հայոց 85-րդ պատրիարքի թեկնածուներից մեկը համարվող Գերմանիայի թեմի նախկին առաջնորդ Գարեգին արքեպիսկոպոս Բեքչյանը չի առաջադրվի դեկտեմբերին կայանալիք պատրիարքական ընտրություններում: Այս մասին Բեքչյան սրբազանը հայտնել է նախօրեին պատրիարքարան ուղարկած նամակով: «Ներկա պայմաններում, երբ խախտված են շուրջ 10 սրբազան եպիսկոպոսների իրավունքները և ջնջված են նրանց թեկնածու լինելու հնարավորությունները, ես հարմար կնկատեմ, ի զորակցություն նրանց, նույնպես չներկայանալ իբրև թեկնածու: Ուղեցույցի սահմանափակումը պատրիարքարանի ապագայի համար վտանգ է ներկայացնում», - իր նամակում նշել է Գարեգին Բեքչյանը՝ մյուս երկու թեկնածուների հորդորելով ևս չառաջադրվել՝ հանուն հավասարության և արդարության: Շուրջ մեկ ամիս առաջ Թուրքիայի ներքին գործերի նախարարությունը նոր պատրիարքի ընտրության համար պատրիարքարան էր ուղարկել համապատասխան կանոնադրություն, որի համաձայն պատրիարքի թեկնածու կարող են լինեն միայն Պոլսո պատրիարքական աթոռին ենթակա եպիսկոպոսները: Այսպիսով, Գարեգին արքեպիսկոպոս Բեքչյանի չառաջադրվելու որոշմամբ պատրիարքի աթոռի համար երկու թեկնածու կպայքարի՝ ներկայիս պատրիարքական տեղապահ Սահակ եպիսկոպոս Մաշալյանն ու Կրոնական ժողովի ատենապետ Արամ արքեպիսկոպոս Աթեշյանը:

Related news

Latest News
Hashtags:   

Գարեգին

 | 

արքեպիսկոպոս

 | 

Բեքչյանը

 | 

առաջադրվի

 | 

Պոլսո

 | 

Հայոց

 | 

պատրիարքի

 | 

ընտրություններում

 | 
Most Popular (6 hours)

Most Popular (24 hours)

Most Popular (a week)

Sources