Monday 18 November 2019
Home      All news      Contact us      English
tert.am - 28 days ago

Ես վերահաստատում եմ Նարեկ Մութաֆյանն ու Սարգիս Օհանջանյանը քաղբանտարկյալներ են. փաստաբան Վահե Եփրիկյան

Նարեկ Մութաֆյանն ու Սարգիս Օհանջանյանը սեպտեմբերի 29-ից գտնվում են կալանքի տակ, և, ըստ էության, այսօր միայն կարողանում ենք վիճարկել նրանց կալանավորման իրավաչափության հարցը: Այս մասին լրագրողների հետ զրույցում ասաց փաստաբան Վահե Եփրիկյանը: Դատարանին խնդրեցինք, որ հնարավորինս սեղմ ժամկետներում դատական նիստ նշանակի, որպեսզի այս մարդիկ կարողանան, ի վերջո, օրինականակության պայմաններում, բնականաբար, հայտնվել ազատության մեջ ,-ասաց նա նշելով, որ դատական նիստը կկայանա հոկտեմբերի 23-ին: Վահե Եփրիկյանը չցանկացավ կանխատեսումներ անել դատարանի տրամադրվածության վերաբերյալ: Դատարանի տրամադրվածության խնդիրն այդքան էլ կարևոր չէ: Դատավոր Արտուշ Գաբրիելյանի կողմից կայացված դատական ակտն այն աստիճանի խայտառակ է, և քննիչի ներկայացրած միջնորդությունն էլ այն աստիճանի դատարկ էր, որ այստեղ դատարանի տրամադրվածության հարցը երկրորդական, երրորդական կարելի է դիտարկել: Օրինական դատարանն այս քրեական գործով ընտրված այս խափանման միջոցը, բնականաբար, պետք է վերացնի, և ժամ առաջ Նարեկ Մութաֆյանը և Սարգիս Օհանջանյանը հայտնվեն ազատության մեջ ,-նշեց փաստաբանը: Վերջինս վերահաստատեց իր համոզմունքն առ այն, որ Սարգիս Օհանջանյանը և Նարեկ Մութաֆյանը քաղբանտարկյալներ են: Բազմիցս նշել ենք, որ նույնական հանգամանքներում որևէ մեկը որևէ քրեաիրավական գնահատականի չի արժանացել: Ավելին Նարեկ Մութաֆյանը որևէ նոր բան չի արել, ուղղակի վերարտադրել է վարչապետի և ԲԴԽ նախագահի պնդումները՝ հարցադրման տեսքով ,-ասաց Վահե Եփրիկյանը: Հիշեցնենք սեպտեմբերի 27-ի ուշ երեկոյան դատավոր Աննա Դանիբեկյանն, ով քննում է Ռոբերտ Քոչարյանի և մյուսների վերաբերյալ քրեական գործը, ոտքով գնալիս է եղել Շենգավիթի դատարան, երբ նրան են մոտեցել Նարեկ Մութաֆյանը և Սարգիս Օհանջանյանը: Մութաֆյանը, ֆեյսբուքյան իր էջի ուղիղ եթերով հեռարձակում միացնելով, դատավոր Դանիբեկյանին պարբերաբար հարցրել է, թե արդյոք նա կա՞ վնգստացող դատավորների ցանկում : Տեղի ունեցածից հետո հանցագործության մասին հաղորդում է ներկայացվել և հարուցվել քրեական գործ, որով մեղադրյալ են ներգրավվել Նարեկ Մութաֆյանն ու Սարգիս Օհանջանյանը: Վերջիններս մեղադրվում են արդարադատության իրականացմանը խոչընդոտելու նպատակով դատարանի գործունեությանը միջամտելու մեջ:

Related news

Latest News
Hashtags:   

վերահաստատում

 | 

Նարեկ

 | 

Մութաֆյանն

 | 

Սարգիս

 | 

Օհանջանյանը

 | 

քաղբանտարկյալներ

 | 

փաստաբան

 | 

Եփրիկյան

 | 
Most Popular (6 hours)

Most Popular (24 hours)

Most Popular (a week)

Sources