Monday 18 November 2019
Home      All news      Contact us      English
azatutyun - 28 days ago

Եթե Սերժ Սարգսյանը չգա հարցաքննության, ինքն իր վրա կվերցնի կասկածների մի հսկա բեռ. Անդրանիկ Քոչարյան

«Հանձնաժողովի աշխատանքների հետ կապված որևէ մեկը հարցաքննության եթե չի մասնակցում, նշանակում է, որ ինքն իր վրա վերցնում է կասկածների մի հսկա բեռ», - «Ազատության» հետ զրույցում հայտարարեց Պաշտպանության և անվտանգության հանձնաժողովի նախագահ Անդրանիկ Քոչարյանը։ «Ազատություն». –Ապրիլյան պատերազմի հանգամանքներն ուսումնասիրող քննիչ հանձնաժողովը քննարկման առարկա դարձնելո՞ւ է, որ ապրիլյան պատերազմը կարող էր պայմանավորված պատերազմ լինել։ Անդրանիկ Քոչարյան. – Ասեմ ձեզ որպես վարկածներից մեկ կարող է մեր մտքով անցնի էդպիսի բան, բայց մենք աշխատում ենք հիմնական ուղղություններով և եթե էդպիսի վարկած կա, ինքն իրան կծնվի դա և ինչքան մոտենանք վերջին հարցին, ում որ պետք է մղենք էդ հարցը, կապված է, թե մենք ինչ տեղեկատվության ենք տնօրինում՝ հանձնաժողովը։ «Ազատություն». – Ո՞ւմ եք տալու վերջին հարցը։ Անդրանիկ Քոչարյան. – Ի՞նչ եք կարծում՝ ո՞ւմ ենք տալու վերջին հարցը։ «Ազատություն». – Սերժ Սարգսյանի՞ն։ Անդրանիկ Քոչարյան. – Բնականաբար, գերագույն գլխավոր հրամանատարը եղել է Սերժ Սարգսյանը, և եթե ինքը, իր որոշումները ազդել են բանակի կառավարման վրա, էդ հարցը բնականաբար կմղենք իրեն՝ հրավիրելով, եթե տեսնենք, որ իր որոշումների պատճառով կարող է ինչ-որ թերացումներ կամ ուշացնելու պատճառ, մենք, բնականաբար, պետք է տանք էդ հարցը։ Մենք աշխատում ենք առանց մտածելու մեր հաստատած ցանկի մեջ բոլորը ներառված են, հիմա էդ ցանկի մեջ էլ փոփոխություններ են առաջանում և անպայման հարցը պետք է տրվի, որ ամբողջապես հասկանանք։ «Ազատություն». – Այդ վարկածը Դուք նկատի ունե՞ք։ Անդրանիկ Քոչարյան. – Բոլոր վարկածները։ Չկա էդպիսի վարկած, որը հանձնաժողովը կարող է չնկատել։ «Ազատություն». – Պարոն Քոչարյան, ստացվում է, որ երբ որ արդեն վերջնակետին հասնի քննիչ հանձնաժողովը իր աշխատանքներում, այդ ժամանակ նոր կհրավիրեք նախկին նախագահ Սերժ Սարգսյանին։ Անդրանիկ Քոչարյան. – Չգիտես ինչի բոլորդ ցանկությունը՝ Սերժ Սարգսյանին երբ ենք հրավիրելու։ «Ազատություն». – Դուք ասացիք, որ վերջին վճռորոշ հարցը նրան եք տալու։ Անդրանիկ Քոչարյան. – Ես ասում եմ՝ բնականաբար, վերջին հարց պետք է տրվի ամենակարևոր որոշում կայացրած մարդուն, ըստ Սահմանադրության, ամենակարևոր որոշում կայացնող իրավասու մարդը դա գերագույն գլխավոր հրամանատարն է։ Վերջին հաշվով մենք գիտենք, որ Սերժ Սարգսյանը Հայաստանում չէր, ի՞նչ էր անում Հայաստանից դուրս, ե՞րբ է իրեն զեկուցվել, հարցեր են չէ՞, պետք է կարողանանք ճշտել, երբ իրեն զեկուցեցին ինքն ի՞նչ հրահանգ իջեցրեց համապատասխան կառույցների ղեկավարներին, դրանց մեջ ովքե՞ր էին մտնում, էդ հրամանը ի՞նչ արագությամբ կատարվեց, թե չկատարվեց։ Դրանք հարցեր են, բա ո՞ւմ տանք, բա հո Ռոբերտ Քոչարյանին չենք տա, Ռոբերտ Քոչարյանին Մարտի 1-ով են հարցեր տալիս, Սերժ Սարգսյանին, բնականաբար, ապրիլյանով, որովհետև ինքն է եղել գերագույն հրամանատարը։ «Ազատություն». -Կարծո՞ւմ ենք, որ նա կգա և Ձեր հարցերին կպատասխանի, կտա սպառիչ պատասխաններ։ Անդրանիկ Քոչարյան. – Ներքուստ համոզված եմ, որ այս հանձնաժողովի աշխատանքների հետ կապված որևէ մեկը չի կարող չմասնակցել, եթե չի մասնակցում, դա նշանակում է, որ ինքն իր վրա վերցնում է կասկածների մի հսկա բեռ, դա այսօր ոչ մեկը չի կարող իր վրա էդպիսի բան վերցնել։  

Related news

Latest News
Hashtags:   

Սարգսյանը

 | 

հարցաքննության

 | 

կվերցնի

 | 

կասկածների

 | 

Անդրանիկ

 | 

Քոչարյան

 | 
Most Popular (6 hours)

Most Popular (24 hours)

Most Popular (a week)

Sources