Friday 15 November 2019
Home      All news      Contact us      English
tert.am - 25 days ago

Խոստումները տրվել են հինգ տարվա կտրվածքով, հինգ տարվանից դեռ տասն ամիս է անցել. Հայկ Սարգսյանը՝ պաշտպանության ծախսերի նվազման մասին

Բյուջեի միջոցները ձևավորվում են հարկատուների տված հարկերից, և ռազմական պաշտպանության ծախսերի ավելացման չափը, մեծամասամբ, կախված չէ կառավարությունից: Այս մասին Tert.am-ի հետ զրույցում ասաց ԱԺ Իմ քայլը խմբակցության պատգամավոր, ԱԺ տնտեսական հարցերի մշտական հանձնաժողովի անդամ Հայկ Սարգսյանը անդրադառնալով 2020 թ․ պետական բյուջեի նախագծի ռազմական պաշտպանության ծախսերի՝ 0.8%-ով ավելացմանը: Ադրբեջանը, նշենք, 2020 թ. բյուջեի նախագծով պաշտպանական և ազգային անվտանգության ծախսերն ավելացրել է մոտ 20 %-ով: Մեր կառավարությունը համաչափ է բաշխում եկամուտները և վերածում դրանք ծախսերի, նաև դա միայն մեր կառավարության հարցը չէ, նախորդ տարիներին էլ, հնարավոր է, Ադրբեջանի ռազմական պաշտպանության բյուջեի ավելացումը գերազանցած լինի Հայաստանի ռազմական պաշտպանության բյուջեի ավելացմանը ,-նշեց նա: Պատգամավորի խոսքով կառավարությունը միջոցների գնահատումը, ծախսերի կատարումը և բյուջեի բաշխումն անում է ըստ կարիքների և անհրաժեշտության: Կառավարության հաշվարկի հիմքում, վստահ եմ, լուրջ տրամաբանություն կա, և չի կարելի դատողություններ անել միայն փոքր թիվը հաշվի առնելով: Թիվը նաև չի նշանակում, թե այդ ուղղությամբ աշխատանքներ չեն կատարվել, ուղղակի կան ինֆորմացիաներ, որոնք խիստ գաղտնի են և հրապարակման ենթակա չեն ,-նշեց ԱԺ տնտեսական հարցերի մշտական հանձնաժողովի անդամը: Ըստ Հայկ Սարգսյանի կան նաև անուղղակի ծախսեր, որոնք ևս կապված են բանակի զարգացման և երկրի մարտունակության բարձրացման հետ: Օրինակ ճանապարհների վերանորոգումը ռազմական նշանակություն ունի: Կան ծախսեր, որոնք պաշտպանության նախարարությանը չեն ուղղվում, բայց անուղղակիորեն բարձրացնում են մեր երկրի պաշտպանողական ամրությունը ,-ասաց նա: Անդրադառնալով իշխանության նախընտրական խոստումներին ռազմական պաշտպանության ծախսերի ավելացում, սպառազինության թարմացում, Հայկ Սարգսյանն ասաց, որ ընտրությունները տեղի են ունեցել տասն ամիս առաջ, իսկ խոստումները տրվել են հինգ տարվա կտրվածքով: Հինգ տարուց ընդամենը տասն ամիս է անցել, իսկ առաջիկայում մեր աշխատանքները, մեր բոլոր խոստումները կատարելու ենք, դրանում կասկած չկա, իսկ այս ոլորտում աշխատանքներ, միանշանակ, կատարվել են ,-նշեց պատգամավորը տեղեկացնելով նաև, որ ինքն աշխատում է մի օրենքի նախագծի վրա, որ կապված է պաշտպանության նախարարության հետ, և որը, հնարավոր է, կմեծացնի ռազմական պաշտպանության բյուջեն: Հիշեցնենք, որ ՀՀ կառավարության սեպտեմբերի 30-ի նիստում ընդունվել է 2020 թ․ պետական բյուջեի նախագիծը, որով սահմանում են հաջորդ տարվա հիմնական ծախսային ուղենիշները։ Այս բյուջեով ռազմական պաշտպանության ծախսերը մեծացվում են 0,8%-ով ներկա 300,5 մլրդ դրամից 303 մլրդ դրամի հասնելով:

Related news

Latest News
Hashtags:   

Խոստումները

 | 

տրվել

 | 

տարվա

 | 

կտրվածքով

 | 

տարվանից

 | 

անցել

 | 

Սարգսյանը՝

 | 

պաշտպանության

 | 

ծախսերի

 | 

նվազման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources