Wednesday 13 November 2019
Home      All news      Contact us      English
tert.am - 23 days ago

Վերջին 1,5 տարում մարդկանց կենցաղում նյութական իմաստով առանձնապես փոփոխություն չի եղել. Սերգեյ Բագրատյան

Բարգավաճ Հայաստան խմբակցության պատգամավոր Սերգեյ Բագրատյանը Tert.am-ի հետ զրույցում, անդրադառնալով տնտեսական աճին, որը, ըստ վարչապետի, 2019 թվականին կարող է 7 տոկոս լինել, նախ կարևորեց այդ աճի ներառական լինելը: Ներառականությունը գործիքակազմի կիրառման արդյունքում պետք է ձևավորել, և եթե այդ 7 տոկոս աճը արձանագրելու ենք, մենք վերաբաշխման արդար մեխանիզմներ պետք է գտնենք ,- ասաց նա: Նա նշեց, որ պետք է կարողանանք բաշխումն այնպես կազմակերպել, որ այդ 7 տոկոսի մեծ մասը հասանելի լինի սոցիալապես անապահով խմբերին: Պետք է կարողանանք բաշխումն այնպես կազմակերպել, որ, օրինակ, մեծ տոկոս ազդի սոցիալապես անապահով խմբի վրա, իսկ հետո նոր՝ միջին խավի վրա: Բայց մեզ մոտ միշտ այնպես է եղել, որ այդ ամբողջ յոթ տոկոսը վերաբերել է վերևի խավին ,- ասաց նա: Սերգեյ Բագրատյանը նշեց, որ այս իշխանության կողմից էլ գործիքակազմը տեսանելի չէ, որով կարող են վերաբաշխման արդյունքում այդ աճը իջեցնել հատկապես անապահով խավերին: Առաջիկայում ես պահանջելու եմ այդ գործիքակազմը ներկայացնել հանրությանը, թե ինչպես ենք այդ յոթ տոկոսը հասցնելու աղքատներին: Եթե նոր գործիքակազմը չունենանք, մնալու է նախկին բաշխման մեխանիզմը, որով հարուստներն ավելի էին հարստանում, աղքատները՝ ավելի աղքատանում ,- ասաց նա և նշեց, որ պետք է հասցեական լինել: Ըստ պատգամավորի վերջին մեկուկես տարվա ընթացքում նյութական իմաստով առանձնապես փոփոխություն չի եղել մարդկանց կենցաղում: Եթե մարդիկ նախկինում զարգացումների հույս չունեին, հիմա այդ հույսերը կան, և կարող են հուսախաբ լինել: Այսինքն եթե 1,5 տարի անցել է իշխանափոխությունից, ապա պետք է 1,5 տարվան համարժեք գործ արվեր: Մեզ չի ներկայացվել տարեկան ծրագիր, որ հետևենք, թե ինչ են արել, ինչը ոչ: Գուցե դրանով գործող իշխանությունը ապահովագրել է իր ռիսկերը, բայց մենք այդ ծրագիրը պետք է ունենանք և հետևենք, սա շատ կարևոր է ընդդիմության համար: Մենք ժամանակի առումով այս պահին անորոշություն ունենք ,- ասաց նա:

Related news

Latest News
Hashtags:   

Վերջին

 | 

տարում

 | 

մարդկանց

 | 

կենցաղում

 | 

նյութական

 | 

իմաստով

 | 

առանձնապես

 | 

փոփոխություն

 | 

Սերգեյ

 | 

Բագրատյան

 | 
Most Popular (6 hours)

Most Popular (24 hours)

Most Popular (a week)

Sources