Tuesday 19 November 2019
Home      All news      Contact us      English
tert.am - 1 month ago

Լիբանանի կառավարությունը բողոքի ցույցերի ֆոնին հրաժարվել է նոր հարկատեսակներ մտցնելու մտադրությունից

Լիբանանի կառավարությունը բյուջեի եկամուտները կավելացնի՝ առանց նոր հարկեր կամ տուրքեր մտցնելու, այդ մասին հայտարարել է Լիբանանի ֆինանսների նախարար Ալի Հասան Խալիլը՝ վարչապետ Սաադ Հարիրիի հետ երկրում տնտեսական ճգնաժամի հաղթահարմանն ուղղված արտակարգ խորհրդակցությունից հետո, հաղորդում է РИА Новости-ն: Վարչապետ Հարիրիի հետ հանդիպման ժամանակ հաստատեցինք, որ բյուջեն կլրացվի առանց նոր հարկերի կամ տուրքերի, ինչպես նաև կչեղարկվեն այդ ուղղությամբ առաջարկված բոլոր նախագծերը, ինչպես նաև ընդունեցինք բարեփոխումների ծրագիրը, որը կիրականացվի բանկային և այլ ոլորտների մասնակցությամբ, որպեսզի քաղաքացիները ստիպված չլինեն նույնիսկ փոքր հարկեր վճարել , - գրել է Խալիլը Twitter-ում: Ակնկալվում է, որ Լիբանանի կառավարության անդամները կիրակի կհավաքվեն՝ քննարկելու այս իրավիճակից դուրս գալու ելքերը: Նշվում է նաև, որ Լիբանանի դատարանն ազատ է արձակել Բեյրութի կենտրոնում անկարգությունների բոլոր մասնակիցներին, բացառությամբ երկուսի, որոնք մեղադրվում են քրեական հանցագործություն կատարելու մեջ: Հիշեցնենք, որ Լիբանանում զանգվածային ցույցերը սկսվել են հինգշաբթի այն բանից հետո, որբ երկրի կառավարությունը բարձրացրել էր WhatsApp-ն օգտագործելու համար հարկը (ամսական 6 դոլար), ծխախոտի հարկը (ներմուծված ծխախոտինը՝ մոտ 1,3 դոլար, տեղականինը՝ 0.5 դոլար): Նախատեսվում է նաև մինչև 2022 թվականը ավելացնել ԱԱՀ-ն՝ 15 տոկոսով: Լիբանանի վարչապետը 72 ժամ էր տվել կառավարությանը՝ ճգնաժամը հաղթահարելու ծրագիր առաջարկելու համար:

Related news

Latest News
Hashtags:   

Լիբանանի

 | 

կառավարությունը

 | 

բողոքի

 | 

ցույցերի

 | 

ֆոնին

 | 

հրաժարվել

 | 

հարկատեսակներ

 | 

մտցնելու

 | 

մտադրությունից

 | 
Most Popular (6 hours)

Most Popular (24 hours)

Most Popular (a week)

Sources