Friday 15 November 2019
Home      All news      Contact us      English
tert.am - 26 days ago

Ներպետական տարբեր ճյուղերի միջև հրահրված հակամարտությունը կբերի սահմանադրական ճգնաժամի, որի մեղավորն ու պատասխանատուն Նիկոլ Փաշինյանն է. Վ. Բաբայան

ԱԺ ԲՀԿ խմբակցության նախկին պատգամավոր, Ռեֆորմիստական կուսակցության ղեկավար Վահան Բաբայանը Tert.am-ի հետ զրույցում համոզմունք հայտնեց առ այն, որ ՍԴ նախագահ Հրայր Թովմասյանի նկատմամբ իրականացվաղ գործողությունները քաղաքական ճնշումներ են: Ըստ նրա՝ ստեղծված իրավիճակը ներպետական տարբեր ճյուղերի միջև հրահրված հակամարտություն է, որը կբերի սահմանադրական ճգնաժամի և որի մեղավորն ու պատասխանատուն Նիկոլ Փաշինյանն է: Ես չեմ ուզում ՍԴ նախագահի նկատմամբ տարվող գործընթացներին իրավական գնահատական տալ, վստահ եմ՝ իրավաբանները և ավելի տեղեկացված մարդիկ տալիս են այդ պատասխանները, բայց զուտ քաղաքական տեսանկյունից՝ պարզից էլ պարզ է, որ մեր երկիրը վերածվում է բանանային ինչ-որ պետության, որտեղ կարող է Սահմանադրական դատարանի նման լրջագույն կառույցի ղեկավարի հանդեպ նման մոտեցումներ լինել զուտ այն պարզ պատճառով, որ տվյալ դատարանի նախագահը չի համաձայնվում սպասարկել գործող իշխանության տարատեսակ ցանկությունները ,-ասաց նա: Վահան Բաբայանի համոզմամբ՝ ՀՀ-ում սկսվում է սահմանադրական ճգնաժամ: Որովհետև, ինչպես տեսաք, խորհրդարանն իր քվեարկությամբ չկարողացավ լուծել այդ հարցը, ՍԴ-ն մերժեց խորհրդարանին, սա արդեն ստացվում է ո՛չ միայն Փաշինյանի և Հրայր Թովմասյանի միջև կամ որևէ այլ անձանց միջև տարբեր մոտեցումների հետևանքով ստեղծված վիճակ, այլ կոնկրետ ներպետական սահմանադրական տարբեր ճյուղերի միջև հրահրված հակամարտություն, որը բերում է սահմանադրական ճգնաժամի: Այս ճգնաժամի մեղավորն ու պատասխանատուն Նիկոլ Փաշինյանն է և ուրիշ ոչ ոք ,-ասաց նա: Ռեֆորմիստական կուսակցության ղեկավարը պնդեց, որ գործող իշխանության ցանկությունն է՝ ոչ թե հաստատել օրենքի և արդարության գերիշխանություն, այլ խնդիրն է՝ հաստատել անձի և իրենց ցանկությունների դատական իշխանություն, որը կառավարելի կլինի յուրաքանչյուր հարցի դեպքում: Իրենք դա արեցին ԱԺ-ի առումով՝ ձևավորելով մեծամասնություն, նույնը ցանկանում են անել ՍԴ-ի և ընդհանրապես դատական համակարգի հետ ,-ասաց նա: Անդրադառնալով ՍԴ նախագահի հորն ու դստրերին ԱԱԾ հրավիրելու և հանցաքննելու գործընթացին՝ Բաբայանը նշեց, որ իր սա համար սպասելի էր դեռևս այն ժամանակ, երբ ՍԴ նախագահի լիազորությունները դադարեցնելու վերաբերյալ հարցը բերվեց խորհրդարան և խորհրդարանի մակարդակով փորձ արվեց պաշտոնանկ անել Հրայր Թովմասյանին: ԱԱԾ-ի և այլ ռեպրեսիվ մեթոդներով են փորձում Հրայր Թովմասյանից ազատվել, որը, կարծում եմ, անընդունելի է ոչ միայն ՀՀ-ի համար՝ ընդհանուր տրամաբանության առումով, այլ նաև՝ որպես Եվրոպայի խորհրդի անդամ պետության կարգավիճակ ունեցող երկրի՝ նման գործընթացներն ընդհանրապես պատկերացնելու առումով։ Նման բաներ կարող են տեղի ունենալ աֆրիկյան հետամնաց երկրներում, որտեղ երկրի ղեկավարը կարող է գահընկեց անել տարբեր պետական մարմինների ղեկավարների՝ իր ցանկություններից ելնելով, բայց ՀՀ-ն Սահմանադրություն ունի և համարվում է ժողովրդավարական երկիր, նման դրսևորումները վկայում են մեկ բանի մասին․ սա մեկ մարդու քմահաճույքի և մեկ մարդու ցանկությունների կառավարվող երկիր է դարձել, իսկ թե հետևանքները ինչի՞ կհանգեցնեն, արդեն ժամանակը ցույց կտա ,-ասաց նա:

Related news

Latest News
Hashtags:   

Ներպետական

 | 

տարբեր

 | 

ճյուղերի

 | 

հրահրված

 | 

հակամարտությունը

 | 

կբերի

 | 

սահմանադրական

 | 

ճգնաժամի

 | 

մեղավորն

 | 

պատասխանատուն

 | 

Նիկոլ

 | 

Փաշինյանն

 | 

Բաբայան

 | 
Most Popular (6 hours)

Most Popular (24 hours)

Most Popular (a week)

Sources