Friday 15 November 2019
Home      All news      Contact us      English
azatutyun - 26 days ago

Բաքվում իրավապահները ձերբակալում են ընդդիմության ակտիվիստներին

Ոստիկանությունն այսօր Բաքվում նախատեսված բողոքի ակցիաներից առաջ ձերբակալել է ընդդիմության տասնյակ ակտիվիստների: Ձերբակալվածների թվում է «Ժողովրդական ճակատի» ղեկավար Ալի Քերիմլին: Հետաքննող լրագրող Խաջիդա Իսմայլովայի փոխանցմամբ, ոստիկանները փակել են Ադրբեջանի մայրաքաղաքի մետրոյի երեք կայարանները, զրկելով մարդկանց ցույցի վայր հասնելու հնարավորությունից: Ենթադրվում է, որ բողոքի հանրահավաքը պետք է տեղի ունենար մետրոյի «Մայիսի 28» կայարանին հարող տարածքում: Իսմայլովայի փոխանցմամբ, Բաքվի մեծ մասում արգելափակվել է նաև ինտերնետի աշխատանքը: Human Rights Watch-ը խստորեն դատապարտել է Ադրբեջանի իրավապահների այդ գործողությունները: «Ադրբեջանի իշխանությունները շարունակում են կոպտորեն խախտել հավաքներ կազմակերպելու իրավունքը»,- Թվիթերում գրել է Human Rights Watch-ի Հարավային Կովկասի բաժնի ղեկավար Գիորգի Գոգիան: Ադրբեջանի նախագահ Իլհամ Ալիևը 2003 թվականին է հանգուցյալ հորից՝ Հեյդար Ալիևից ժառանգել 10 միլիոն բնակչությամբ երկրի ղեկավարումը: Ըստ իրավապաշտպան միջազգային և ադրբեջանական կազմակերպությունների, Ալիևը հետևողականորեն ոչնչացնում է Ադրբեջանի քաղաքացիական հասարակությունը: Այս ընթացքում փակվել են անկախ լրատվամիջոցները, տասնյակ ակտիվիստներ, իրավապաշրտպաններ և լրագրողներ տարատեսակ կեղծ մեղադրանքներով հայտնվել են բանտերում:

Related news

Latest News
Hashtags:   

Բաքվում

 | 

իրավապահները

 | 

ձերբակալում

 | 

ընդդիմության

 | 

ակտիվիստներին

 | 
Most Popular (6 hours)

Most Popular (24 hours)

Most Popular (a week)

Sources