Friday 15 November 2019
Home      All news      Contact us      English
tert.am - 27 days ago

Մայրաքաղաքի պատվավոր քաղաքացու կոչում շնորհվեց ՀՀ ժողովրդական արտիստ, ՀՀ արվեստի վաստակավոր գործիչ Երվանդ Մանարյանին

Երևան քաղաքի 2801-րդ տարեդարձի առթիվ մայրաքաղաքի պատվավոր քաղաքացու կոչում շնորհվեց ՀՀ ժողովրդական արտիստ, ՀՀ արվեստի վաստակավոր գործիչ Երվանդ Մանարյանին: Այսօր քաղաքի տոնին պատվավոր քաղաքացու կոչման մեդալն արվեստի վաստակավոր գործչին իր իսկ բնակարանում հանձնեց Երևանի քաղաքապետ Հայկ Մարությանը: Երվանդ Մանարյանը նշեց, որ մեծ պատիվ է իր համար արժանանալ նման կոչման: Մեզ և անձամբ ինձ համար է մեծ պատիվ, որ Երևան քաղաքն ունի Ձեզ պես քաղաքացի ,-շնորհավորելով Մանարյանին՝ ասաց քաղաքապետը: Նշենք, որ Երվանդ Մանարյանին պատվավոր քաղաքացու կոչում շնորհելու հիմնավորման մեջ նշված է նրա թատերարվեստի և հայկական կինեմատոգրաֆիայի զարգացման գործում ներդրած նշանակալի ավանդը, ակնառու վաստակը, երկարամյա և բեղմնավոր գործունեությունը:

Երվանդ Մանարյանն աշխատել է Երևանի փաստագրական ֆիլմերի ստուդիայում և Երևան կինոմիավորումում։ Եղել է Երևանի պետական տիկնիկային թատրոնի գլխավոր ռեժիսորը։ Նկարահանվել է վավերագրական և գեղարվեստական մի շարք ֆիլմերում, ինչպիսիք են՝ Հայկական մանրանկարչություն -ը, Միքայել Նալբանդյան -ը, Կառամատույցի կրպակը -ը, Լույս -ը, Դեղերի ծնունդը -ը, Նորից եկավ ամառը -ը և այլն։ Անվանի դերասան, սցենարիստ և ռեժիսոր Երվանդ Մանարյանը գրել է բազմաթիվ սցենարներ՝ Տժվժիկ , Տերն ու ծառան , Սպիտակ ափեր և այլն: Հրապարակել է մի շարք պատմվածքներ ու հոդվածներ: 2005 թվականին Երվանդ Մանարյանին շնորհվել է ՀՀ արվեստի վաստակավոր գործչի կոչում, 2018 թվականին արժանացել է ՀՀ ժողովրդական արտիստի կոչման:

Related news

Latest News
Hashtags:   

Մայրաքաղաքի

 | 

պատվավոր

 | 

քաղաքացու

 | 

կոչում

 | 

շնորհվեց

 | 

ժողովրդական

 | 

արտիստ

 | 

արվեստի

 | 

վաստակավոր

 | 

գործիչ

 | 

Երվանդ

 | 

Մանարյանին

 | 
Most Popular (6 hours)

Most Popular (24 hours)

Most Popular (a week)

Sources