Wednesday 13 November 2019
Home      All news      Contact us      English
tert.am - 26 days ago

Ցանկացած գործողություն, որ իրակացվում է օտարերկրյա ներդրողի նկատմամբ, պետք  է կատարվի չափազանց զգուշավոր. Արայիկ Պապյանը՝ «Սանիթեք»-ի արբիտրաժ դիմելու հայտարության մասին

Միջազգային արբիտրաժի մասնագետ Արայիկ Պապյանը Tert.am-ի հետ զրույցում անդրադառնալով Սանիթեք -ի՝ միջազգային արբիտրաժային դատարան դիմելու գործընթացին և հնարավոր հետևանքներին՝ տեսակետ հայտնեց, որ ցանկացած գործողություն, որ իրականացվում է օտարերկրյա ներդրողի նկատմամբ, պետք է կատարվի չափազանց զգուշավոր և պետք է ամբողջապես տեղավորվի օրենսդրության շրջանակներում: Նա հղում կատարեց դատախազության հայտարարությանը, որտեղ, ըստ նրա, խոսք էր գնում խարդախության մասին, քիչ աղբամանների ներկրման, տեղադրման և նմանատիպ հարցերի մասին և նկատեց, որ այստեղ միջազգային արբիտրաժ դիմելու և գործընթացը շահելու հավանականությունը միանշանակ չէ: Դա կարող է շատ լրջագույն դեր ստանալ ի օգուտ Հայաստանի, որովհետև սովորաբար ներդրումային արբիտրաժային դատարաններն իրավասություն չեն ստանձնում այն ներդրումների նկատմամբ, որոնք իրականացվել են խարդախության միջոցով: Այդ հարցը, եթե խարդախության հարցը հիմնավորվի, լավագույն դեպքում Սանիթեք -ը հնարավոր է հաղթահարի յուրիսդիկցիայի՝ իրավասության փուլում, բայց, ըստ էության, քննության փուլում արդեն հաշվի են առնելու նաև Սանիթեք -ի գործունեությունը, թե ինչքանով է ինքը նպաստել, որ այդ խնդիրներն առաջանան, ինչքանով է իր մեղավորությունը: Եթե իր մեղավորությունը հաստատվեց, որ իրենք են ստեղծել այդ խնդիրները, այդտեղ հայցային գումարները կարող են նվազել, և ընդհանրապես կարող է հասնել այնպիսի չնչին գումարների, որ նույնիսկ արբիտրաժային դատարան դիմելու իմաստ էլ չլինի ,-ասաց նա: Արայիկ Պապյանը նշեց, որ սովորաբար փոքր ընկերությունները, ինչպես Սանիթեք -ն է, արբիտրաժային դատարաններ շատ քիչ են դիմում, որովհետև դա շատ թանկարժեք դատավարական ծախսեր է պահանջում: Հիմա, եթե մտնում ենք ներդրումների վեճերի կենտրոն, այնտեղ էլ կա հաշվարկում իրականացնելու մեխանիզմներ և սովորաբար միջին ծախսը մեկ կողմի համար հասնում է մոտ 5 մլն դոլարի: Այստեղ հարց է առաջանում, եթե ընկերությունը չի կարողացել բավականաչափ քանակի կոնտեյներներ ներկրել, որի համար, ինձ թվում է, ավելի քիչ գումար էր ծախսվելու, քան արբիտրաժային վարույթի ծախսերը, ինչպես է այդ ծախսերը հոգալու ,-ասաց նա: Քաղաքապետարանի գործողություններն, ըստ նրա, այնքանով օրինական կարելի է համարել, որքանով որ աղբահանության ոլորտն անմխիթար վիճակում էր և պետք էր ինչ-որ քայլեր ձեռնարկել: Բոլորիս աչքի առաջ է եղել դա և իրավիճակը կարգավորելու համար, իմ կարծիքով, գործողությունները ճիշտ են արվել, մենք տեսնում ենք արդյունքները՝ արդեն այդ աղբի մեծ կուտակումները չկան ,-ասաց նա: Հարցին, թե կատարված ներդրումների վնասը ինչպե՞ս է վերադարձվելու, մասնագետը նշեց, որ կողմերը կարող են նստել միմյանց հետ բանակցել և ինչ-որ բալանսի բերել այդ հարցերը: Եթե խոսքը վերաբերում է ներդրումային արբիտրաժի դեպքում կոմպենսացիաներին, ապա այդտեղ խնդիրը մի քիչ ավելի բարդ է: Օրինակ՝ ներդրումային պաշտպանության համաձայնագրերը տրամադրում են կոմպենսացիայի մեխանիզմներ էքսպրոպրիացիայի դեպքում (բռնագրավում), բայց կան նաև մեխանիզմներ՝ վնասների հատուցման և այլն, որոնք սահմանվում են միջազգային իրավունքով, և իրականում այդ հաշվարկները չափազանց բարդ է իրականացնել ու տվյալ պահին, որպեսզի կանխատեսենք՝ ի՞նչ հնարավոր գումարի մասին է խոսքը, պետք է կայացվեն չափազանց բարդ հաշվարկներ և կարելի է ասել, որ անկանխատեսելի է: Ամեն դեպքում, եթե պատրաստվում են դիմել արբիտրաժի, կարելի է սպասել, որ հայցը ներկայացնեն, և տեսնել, թե ինչ գումարի մասին է խոսքը ,-ասաց նա: Միջազգային արբիտրաժի մասնագետը նշեց, որ իր տեղեկությամբ Սանիթեք ընկերությունը սկզբնական շրջանում՝ 2014թ-ին մոտ 20 մլն դոլարի չափով ներդրումային ծրագրեր է իրականացրել: Բայց կրկին դիտարկենք դատախազության հայտարարությունը․ այդ ներդրումներն ամբողջապես չեն իրականացվել, օրինակ՝ աղբամանները պակաս են եղել, հարթակները 20 տոկոսով են կառուցվել և դրա դիմաց վճարումներ են ստացել, պետք է սպասել, իմանալ՝ հայցի մեջ ինչքան պահանջ են ներկայացրել, որից հետո կտեսնենք, թե այդ պահանջներն ինչքանով են հիմնավոր ,-ասաց նա: Հարցին, թե ՀՀ-ի միջազգային ներդրումային գրավչության վրա ինչպիսի՞ ազդեցություն կարող է ունենալ նման հայցը, միջազգային արբիտրաժի մասնագետը նշեց, որ որպես այդպիսին արբիտրաժային վարույթների առկայությունը չի կարող վնասակար ազդեցություն ունենալ: Ցանկացած երկիր, թեկուզ զարգացած, եթե ունի արբիտրաժային վարույթներ, և որոշ դեպքերում պարտվում է, որոշ դեպքերում հաղթում, ամեն դեպքում չափազանց կարևոր է, որպեսզի պետության գործողությունները լինեն արդարացի և հիմնավորված: Այսինքն՝ արբիտրաժային վարույթի առկայությունը, ինձ թվում է, չի կարող ազդեցություն ունենալ, բայց դրա արդյունքները որոշակի խնդիրներ կարող են առաջացնել: Օրինակ այդ համաձայնագրերը սկզբնական շրջանում ստեղծված էին, որպեսզի ներդրողներին պաշտպանեն անօրինական էքսպրոպրիացիայից (բռնագրավում), դա դասակարգվում է որպես քաղաքական ռիսկ, եթե իրականացվի էքսպրոպրիացիա, կարող է ազդել երկրի ներդրումային գրավչության վրա: Բոլոր դեպքերում, ցանկացած գործողություն, որ իրականացվում է օտարերկրյա ներդրողի նկատմամբ, պետք է կատարվի չափազանց զգուշավոր և պետք է տեղավորվի ամբողջապես օրենսդրության շրջանակներում: Պետք չի ցուցաբերել շտապողականություն և իրականացնել գործողություններ, որոնք կարող են վնաս հասցնել երկրին ,-ասաց նա:

Related news

Latest News
Hashtags:   

Ցանկացած

 | 

գործողություն

 | 

իրակացվում

 | 

օտարերկրյա

 | 

ներդրողի

 | 

նկատմամբ

 | 

պետք 

 | 

կատարվի

 | 

չափազանց

 | 

զգուշավոր

 | 

Արայիկ

 | 

Պապյանը՝

 | 

Սանիթեք

 | 

արբիտրաժ

 | 

դիմելու

 | 

հայտարության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources