Sunday 17 November 2019
Home      All news      Contact us      English
tert.am - 30 days ago

Հրայր Թովմասյանի նկատմամբ իրականացվող գործողությունները «հասարակական պահանջով» հիմնավորողները՝ ի դեմս Նիկոլ Փաշինյանի, հոգեկան լուրջ խնդիրներ ունեն. Գ. Իսագուլյան

Սահմանադրական դատարանի նախագահ Հրայր Թովմասյանի և նրա ընտանիքի նկատմամբ իրականացվող գործողությունները հասարակական պահանջով հիմնավորողները հոգեկան լուրջ խնդիրներ ունեն՝ ի դեմս Նիկոլ Փաշինյանի, ԱԺ Իմ քայլը խմբակցության պատգամավորների: Այս մասին այսօր՝ Ազգային անվտանգության շենքի առջև ընթացող բողոքի ակցիայի ժամանակ, լրագրողների հետ զրույցում ասաց Ազգային անվտանգություն կուսակցության նախագահ Գառնիկ Իսագուլյանը: Չեմ կարծում, որ հասարակությունն այնքան է դեգրադացվել, որ իշխանություններից պահանջում է մարդկանց թոշակառու ծնողներին և թոռնուհիներին ներքաշել պատմությունների մեջ: Եթե Հրայր Թովմասյանի հետ խնդիր ունեք, օրենքի շրջանակում փորձեք դա լուծել։ Ի՞նչ կապ ունեն նրա հայրը և դուստրերը: Սա աբսուրդ է: Հասարակական պահանջ ասողներն իրենք արդեն հոգեկան լուրջ խնդիրներ ունեն՝ ի դեմս Նիկոլ Փաշինյանի, իրենց պատգամավորների: Հիվանդ մարդը կարող է ասել, որ երեխաներին անիմաստ հարցաքննության կանչելը հասարակական պահանջ է ,- նշեց Գառնիկ Իսագուլյանը:

Նրա խոսքով՝ ՍԴ նախագահի և նրա ընտանիքի անդամների շուրջ տեղի ունեցող գործողություններն ապօրինի են: Գառնիկ Իսագուլյանի կարծիքով՝ հասարակությունը պետք է ընդդիմանա իշխանությունների այս գործողություններին, քանի որ սա կարող է հետագայում կրկնվել շատերի հետ :

Չի բացառվում, որ ոմանք մի կրակոցով փորձում են երկու նապաստակ խփել: Ես կուզեի, որ այս միջոցառումը չդիտվի որպես ընդդեմ Հայաստանի ազգային անվտանգության ծառայության: ԱԱԾ-ն այս հարցի հետ կապված այսօր որևէ մեղսակցություն չունի: Ուղղակի, ցավոք սրտի վարչապետը և դատախազությունը այս կառույցին դնում են շատ անհարմար վիճակում, երբ գործեր են ուղարկում ԱԱԾ, որը չի մտնում այս կառույցի գործառույթների մեջ , ասաց նա: Գառնիկ Իսագուլյանի խոսքով՝ ո՛չ տանիքի վերանորոգման խնդիրը, ո՛չ Հրայր Թովմասյանի դուստրերի հետ կապված խնդիրները որևէ պարագայում չեն մտնում ազգային անվտանգության ծառայության գործառույթների մեջ:

Չի բացառվում, որ սա նաև ակցիա է ԱԱԾ-ն վարկաբեկելու, հետագայում նրանց իրենց ցանկությամբ տրանսֆորմացնելու, փոխելու համար: Նիկոլ Փաշինյանը և Դատախազությունն ապօրինությունների մեջ են փորձում ներքաշել ԱԱԾ-ին, որպեսզի վերջնականապես կարողանան վարկաբեկել նաև այս կառույցը: Հնարավոր է՝ հենց սա է եղել Արթուր Վանեցյանի կանգ առ խոսքի հիմնական իմաստներից մեկը ,- նշեց Գառնիկ Իսագուլյանը:

Related news

Latest News
Hashtags:   

Հրայր

 | 

Թովմասյանի

 | 

նկատմամբ

 | 

իրականացվող

 | 

գործողությունները

 | 

հասարակական

 | 

պահանջով

 | 

հիմնավորողները՝

 | 

Նիկոլ

 | 

Փաշինյանի

 | 

հոգեկան

 | 

լուրջ

 | 

խնդիրներ

 | 

ունեն

 | 

Իսագուլյան

 | 
Most Popular (6 hours)

Most Popular (24 hours)

Most Popular (a week)

Sources