Sunday 17 November 2019
Home      All news      Contact us      English
tert.am - 30 days ago

Միխայիլ Խաչատուրյանի հարազատները կվիճարկեն նրա կրտսեր դստեր անմեղսունակության վերաբերյալ եզրակացությունը

Միխայիլ Խաչատուրյանի հարազատները, ում սպանության համար մեղադրվում են նրա երեք դուստրերը, վիճարկելու են քույրերից կրտսերի անմեղսունակության վերաբերյալ եզրակացությունը, լրագրողներին հայտնել է տուժողների ներկայացուցիչ Գեորգի Չուղուաշվիլին, գրում է ria.ru-ն: Մենք կպնդենք, որ ևս մեկ անգամ անցկացվի հոգեբանա-սեռա-հոգեբուժական փորձաքննություն, մենք կպնդենք այն դիրքորոշումը, որ նա ամեն ինչ գիտակցել է ,- ասել է փաստաբանը 360 հեռուստաալիքի ստուդիայում կայացած մամուլի ասուլիսում: Ավելի վաղ փորձաքննության արդյունքում պարզվել էր, որ աղջիկը սպանության ժամանակ անմեղսունակ է եղել, չի գիտակցել իր արարքը և պատասխանատվություն չի կարող կրել: Այդ պատճառով դատարանը չի կարող նրան պատիժ նշանակել, միայն կարող է հարկադիր բուժման ուղարկել։ Փաստաբանը մտադիր է վիճարկել այդ եզրակացությունը: Փաստաբանի՝ հաջողության հասնելու դեպքում, աղջկան կարող է սպառնալ մինչև 10 տարվա ազատազրկում: Ավելի վաղ հաղորդվել էր, որ Միխայիլ Խաչատուրյանը դուստրերից մեկին բռնությամբ սեռական մերձեցման է պարտադրել: Հիշեցնենք, որ 57-ամյա Միխայիլ Խաչատուրյանը 2018թ. հուլիսին սպանված էր հայտնաբերվել իր մոսկովյան տանը: Նրա դիակի վրա հայտնաբերվել էին բազմաթիվ վնասվածքներ: Տղամարդու 3 դուստրերը ձերբակալվել էին: Նշվում է, որ Միխայիլ Խաչատուրյանը տարիներ շարունակ երեք քույրերին ենթարկել է ֆիզիկական և սեռական բռնության: Քույրերի պաշտպանությունը, ինչպես նաև հանրությունը պնդում են, որ աղջիկների գործողությունները կրել են ինքնապաշտպանական բնույթ և չեն կարող դիտարկվել որպես նախապես պայմանավորված խմբակային հանցագործություն:

Related news

Latest News
Hashtags:   

Միխայիլ

 | 

Խաչատուրյանի

 | 

հարազատները

 | 

կվիճարկեն

 | 

կրտսեր

 | 

դստեր

 | 

անմեղսունակության

 | 

վերաբերյալ

 | 

եզրակացությունը

 | 
Most Popular (6 hours)

Most Popular (24 hours)

Most Popular (a week)

Sources