Friday 15 November 2019
Home      All news      Contact us      English
tert.am - 28 days ago

Քանի դեռ իշխանությունները ՍԴ-ն իրենց հնազանդեցնելու ճանապարհները չեն գտնում, դիմում են այսպիսի միջոցների. Է. Վարդանյանը Հ. Թովմասյանի հորն ու դուստրերին ԱԱԾ հրավիրելու մասին

Շատ դժվար է սա իրավական գործընթաց անվանել, որովհետև քաղաքական գործընթացին են փորձում իրավական հնչերանգ տալ: Այս մասին իրավապաշտպանների դեպի ԱԱԾ երթի ընթացքում Tert.am-ի հետ զրույցում ասաց Այլընտրանքային նախագծեր խմբի անդամ Էլինար Վարդանյանը անդրադառնալով ՀՀ ՍԴ նախագահ Հրայր Թովմասյանի հորն ու դուստրերին ԱԱԾ հարցաքննության հրավիրելուն և Հրայր Թովմասյանի շուրջ ընթացող գործընթացներին: Սա քաղաքական գործընթաց է, այստեղ անձի խնդիրը պետք է թողնել մի կողմ: ՍԴ-ն կառույց է, որը փորձում է որպես դատական համակարգ հակակշիռ մնալ այսօրվա իշխանություններին, և քանի դեռ իշխանություններն այդ համակարգն իրենց հնազանդեցնելու ճանապարհները չեն գտնում, դիմում են այսպիսի միջոցների, ինչը, բնականաբար, անընդունելի է ,-ասաց Վարդանյանը: Վերջինիս կարծիքով իրավիճակը շատ մտահոգիչ է. Մենք իրավական ռեպրեսիաների փուլ ենք մտնում, և յուրաքանչյուր ցուցանիշ վկայում է այդ մասին: Իսկ այդ ցուցանիշները շատ տարբեր են դատարանների նկատմամբ ճնշումները, փաստաբանական համայնքի նկատմամբ ճնշումները, կալանքը որպես պատժիչ միջոց օգտագործելը, ազատ խոսքի նկատմամբ ոտնձգությունը, էլ չեմ ասում ատելության մթնոլորտը, որ այսօր կա հասարակության մեջ, և հասարակությունը սևերի և սպիտակների է բաժանվել : Վարդանյանն ընդգծեց, որ եթե իրավական համայնքը չհամախմբվի, հետագայում լուրջ խնդիրներ են լինելու: Հիշեցնենք, որ Ռուբեն Մելիքյանն ու ՀՀ իրավական մարտահրավերները խորագրով քննարկման մասնակից մյուս իրավապաշտպաններն այս պահին երթով ուղևորվում են ՀՀ ԱԱԾ, որտեղ այժմ հարցաքննվում են Հրայր Թովմասյանի դուստրերը: Մինչ այս ԱԱԾ-ում հարցաքննվում էր ՍԴ նախագահ Հրայր Թովմասյանի հայրը՝ 75-ամյա Վարդան Թովմասյանը, ում ինքնազգացողությունը վատացել է, ինչի համար նա լքել էր ԱԱԾ-ն: Հիշեցնենք, որ հոկտեմբերի 17-ին ԱԱԾ ներկայացուցիչները զանգահարել էին Հրայր Թովմասյանի հորն ու դուստրերին և հրավիրել ԱԱԾ՝ զրույցի ՝ չբացատրելով, թե ինչու և որ գործի շրջանակում։ Հիշեցնենք նաև, որ ՀՀ ԱԺ պատգամավոր Արման Բաբաջանյանի կողմից Հրայր Թովմասյանի ՍԴ դատավոր ընտրվելու գործընթացի վերաբերյալ ՀՀ գլխավոր դատախազին ներկայացված հաղորդման հիման վրա ՀՔԾ-ն քրեական գործ է հարուցել, կատարվում է նախաքննություն:

Related news

Latest News
Hashtags:   

իշխանությունները

 | 

իրենց

 | 

հնազանդեցնելու

 | 

ճանապարհները

 | 

գտնում

 | 

դիմում

 | 

այսպիսի

 | 

միջոցների

 | 

Վարդանյանը

 | 

Թովմասյանի

 | 

դուստրերին

 | 

հրավիրելու

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources