Sunday 17 November 2019
Home      All news      Contact us      English
tert.am - 30 days ago

Իշխանությունն իր ամբողջ ջանքերն ուղղել է Հրայր Թովմասյանին պաշտոնանկ անելուն, ՍԴ-ն վերացնելու խնդիր է դրված. Գևորգ Պետրոսյան

Ազգային ժողովի Բարգավաճ Հայաստան խմբակցության պատգամավոր Գևորգ Պետրոսյանը, Tert.am ի հետ զրույցում անդրադառնալով պատգամավոր Արման Բաբաջանյանի հաղորդման հիման վրա Հատուկ քննչական ծառայությունում հարուցված քրեական գործին, որում վերջին պնդում է, թե Հրայր Թովմասյանը յուրացրել է Սահմանադրական դատարանի նախագահի պաշտոնը, ասաց, որ իշխանությունն ամեն ինչ անում է, որպեսզի ամեն գնով փոխի ՍԴ կազմը և այն ենթակա դարձնի իրեն։

Ես մտավախություն ունեմ, որ եթե ամեն գնով ուզում են տապալել ինչ-որ մեկի, այստեղ արդեն երկու վարկած է առաջ գալիս. կամ այդ ինչ-որ մեկը դարի հանցագործն է, որը Հրայր Թովմասյանի մասին դժվար է ասել, կամ էլ սա պարտադրված ծրագիր է, և ուղղակի պետք է պարզել, թե ինչ ծրագիր է: Մենք ունենք տարբեր մարտահրավերներ. այսօր պատերազմի վտանգը կախված է Արցախի գլխին, մեր գլխին, հազար ու մի խնդիր ունենք՝ տնտեսական, սոցիալական խնդիրներ, իսկ իշխանությունն իր ամբողջ ջանքերն ուղղել է Հրայր Թովմասյանին պաշտոնանկ անելուն ,-ասաց նա:

Գևորգ Պետրոսյանի խոսքով՝ այստեղ միայն Հրայր Թովմասյանի խնդիրը չէ: Իմ մտավախությունն այն է, որ այստեղ ամեն գնով ՍԴ կազմը փոխելու և իշխանությանը ենթակա դարձնելու խնդիրն է, իսկ դա չի կարող ինքնանպատակ լինել: Հավանաբար, ինչ-որ հարցեր կան և իշխանությունը հասկացել է, որ այս կազմով չի կարող պարտադրել ՍԴ-ին, հետևաբար՝ պետք է այլ նախագահ, այլ կազմ, որպեսզի կարողանան իշխանությունն ինչ-որ հարցեր լուծել, բայց չեմ կարող ասել, թե դրանք ինչ հարցեր են ,-ասաց նա:

Պատգամավորը նշեց, որ չի կարող մանրամասների մեջ մտել, թե ինչ հիմքով են, օրինակ, Հրայր Թովմասյանի 75-ամյա թոշակառու հորն ու երկու դուստրերին կանչել ԱԱԾ, բայց նշեց, որ ակնհայտ է, որ ամեն գնով Հրայր Թովմասյանին հրաժարականի դրդելն է: Իսկ Հրայր Թովմասյանն այն ֆիգուրը չէ, որից կախված լինի Հայաստանի Հանրապետությունում ինչ-որ ներպետական խնդիր լուծելու հնարավորությունը կամ ինչ-որ ծրագիր իրականացնելու: Ես ենթադրում եմ, որ Թովմասյանը խոչընդոտ է ՍԴ-ն գրավելու ճանապարհին , ասաց նա:

Գևորգ Պետրոսյանը նշեց, թե բնական է, որ նույն քայլերը կարող են անել ՍԴ ցանկացած այլ անդամի նկատմամբ: Ուրեմն ինչ-որ հարցեր կան, որ մենք չգիտենք, և ինչ-որ բաներ էլ սպասվում են, որ ոչ մի բանով չեն նպաստելու մեր պետականությանը: Ես մտածում եմ, որ այստեղ անձի խնդիր չի լուծվում, այստեղ ՍԴ-ն վերացնելու խնդիրն է, իսկ ՍԴ-ի գործառույթները, Սահմանադրությամբ եթե նայենք, ապա պարզ կարելի է հասկանալ, թե ինչի համար է իշխանությանը պետք ՍԴ-ն ,-ասաց նա։

Հարցին, թե որևէ օրինական հիմք տեսնում է այս գործողություններում, Գևորգ Պետրոսյանը պատասխանեց, որ կոնկրետ քրգործի հանգամանքներից տեղյակ չէ, բաց այն հոդվածը, որով հարուցվել է գործը, կոնկրետ դրանում Հրայր Թովմասյանի մեղքը չի տեսնում:

Related news

Latest News
Hashtags:   

Իշխանությունն

 | 

ամբողջ

 | 

ջանքերն

 | 

ուղղել

 | 

Հրայր

 | 

Թովմասյանին

 | 

պաշտոնանկ

 | 

անելուն

 | 

վերացնելու

 | 

խնդիր

 | 

դրված

 | 

Գևորգ

 | 

Պետրոսյան

 | 
Most Popular (6 hours)

Most Popular (24 hours)

Most Popular (a week)

Sources