Friday 15 November 2019
Home      All news      Contact us      English
tert.am - 29 days ago

«Հայաստանն իմ օջախն է, ժողովուրդն իմ ընտանիքն է» ասույթը մեր պետության ապագա կարգախոսն է, չարժե կոռուպցիոն ռիսկ փնտրել դրա տարածման համար 100 հզր դոլար հատկացնելու մեջ. Վ. Ենգիբարյան (տեսանյութ)

Ադրբեջանը վերահաստատում է ՀՀ-ի այն թեզը, որ այդ երկրի այսօրվա իշխանությունները պատրաստ չեն արցախյան հակամարտության կարգավորման բանակցություններին, հավակնություններ ունեն նաև Զանգեզուրի, Երևանի ու Սևանի նկատմամբ: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ ԱԺ Իմ քայլը խմբակցության անդամ Վիկտոր Ենգիբարյանը: Ըստ պատգամավորի՝ Հայաստանն ունի մեկ դաշնակից՝ իր քաղաքացին, Զինված ուժերն ու տնտեսությունը. Մեր դիվանագիտությունը ձախողել է բացատրել Արցախի խնդիրը: Վարչապետն էլ ասաց, որ մենք ունենք շատ վատ ժառանգություն ղարաբաղյան հակամարտության կարգավորման հարցում: Հնարավոր չէ մեկ տարում մեր դիվանագիտությունը կտրուկ, շրջադարձային փոփոխությունների ենթարկել: Որ պահին Ղարաբաղի ժողովուրդը հայտնվի Ադրբեջանի ազդեցության ներքո, ունենալու է անվտանգության խնդիր : Ենգիբարյանի պնդմամբ՝ եթե միջազգային հարաբերություններում անգամ դաշնակիցներդ են քեզ քննադատում, ուրեմն ճիշտ ուղու վրա ես. Պետք է ոչ թե նայենք՝ ինչ բարի բան ասաց այս կամ այն կառույցը, այլ թե ինչի ենք հասել: Մեկուկես տարում մենք հասել ենք սահմանային զոհերի կրճատման: Իսկ վերելակային պայմանավորվածություն գոյություն չունի, դա կլիշե է : Իմքայլական պատգամավորի հավաստմամբ՝ կառավարությունը չունի Արցախի նախագահի որևէ թեկնածուի աջակցելու որոշում: Ենգիբարյանի կարծիքով՝ ՀՀ-ում արցախյան շարժումից հետո երբևէ չի եղել միասնականության այնպիսի մթնոլորտ, ինչպես այժմ, չկա թշնամանք և ատելություն. Միակ ռեալ քննադատությունը, որն այսօր կա իշխանության նկատմամբ, մեր՝ չափից դուրս հանդուրժող լինելն է նախկինների նկատմամբ: Պետք է շեշտել, որ մեր երկրում նախկին հիվանդություններն այլևս չկան, անհրաժեշտ է խոսել այդ մասին, անջատվել այդ անցյալից: Մենք այժմ մեր երկիրը բրենդավորում ենք որպես չկոռումպացված, մաքուր, ստերիլ, ժողովրդավարական պետություն, որի հետ զարգացած երկրները կարող են գործ ունենալ : Վիկտոր Ենգիբարյանը հիշեցրել է, որ Հայաստանն իմ օջախն է, ժողովուրդն իմ ընտանիքն է ասույթը մեր պետության ապագա կարգախոսն է, ոչ թե պարզապես վարչապետի գրառումը, և չարժե կոռուպցիոն ռիսկ փնտրել բյուջեից դրա տարածման նպատակով 100 հազար դոլար հատկացնելու մեջ. Մեր կառավարության աշխատանքներում երբևէ կոռուպցիոն ռիսկ չի կարող լինել, եթե լինի, դա կարժանանա իրավապահների գնահատականին : Վարչապետն արգելել է իր նկարները կախել պետական հիմնարկներում, եթե որևէ մեկը որոշել է վարչապետի արձանը դնել Իջևանում, թող դնի: Անձի պաշտամունք Հայաստանում չկա ,- ամփոփել է Ենգիբարյանը: Դավիթ Սարգսյան

Related news

Latest News
Hashtags:   

Հայաստանն

 | 

օջախն

 | 

ժողովուրդն

 | 

ընտանիքն

 | 

ասույթը

 | 

պետության

 | 

ապագա

 | 

կարգախոսն

 | 

չարժե

 | 

կոռուպցիոն

 | 

փնտրել

 | 

տարածման

 | 

համար

 | 

դոլար

 | 

հատկացնելու

 | 

Ենգիբարյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources