Wednesday 20 November 2019
Home      All news      Contact us      English
tert.am - 1 month ago

Կասկած չունենք, որ այդ գումարները հետ են վերադառնալու պետական բյուջե. «Իմ քայլի» պատգամավորը՝ ՀՀ-ում Ryanair ավիաընկերության գործունեության մասին

ԱԺ Իմ քայլը խմբակցության պատգամավոր, Ֆինանսավարկային և բյուջետային հարցերի մշտական հանձնաժողովի անդամ Տիգրան Ուլիխանյանը եվրոպական ամենամեծ՝ Ryanair ավիաընկերության Հայաստանում գործունեություն ծավալելու առումով տնտեսական ռիսկեր չի տեսնում: Այս մասին նա նշեց Tert.am-ի հետ զրույցում: Առավել քան ակնհայտ է էֆեկտիվությունը, որովհետև էականորեն էժան տոմսերը անպայման կբերեն տուրիզմի զարգացման, իսկ տուրիզմի զարգացումը հավելյալ արդյունք է և մեր էկոնոմիկայի համար մեծ նշանակություն ունի, դա նաև հարակից ոլորտի աճի է բերելու ,-ասաց նա: Տիգրան Ուլիխանյանը նշեց, որ տարբեր չափումներով ամեն տուրիստ այցելած երկիր մոտավորապես 80 դոլարի չափով գումար է ծախսում, իսկ բիզնես տուրիստները մոտավորապես 230 դոլար օրական: Ինչ վերաբերում է պետական բյուջեի ծախսին այդ ավիաուղղությունների համար, նա ասաց, որ ոչ թե պետական բյուջեից գումար են հատկացնում, այլ օդի տուրքը զրոյացնում են նոր ուղղությունների համար: Բայց մենք պետք է հասկանանք, որ այդ եկամուտներից հրաժարվելով ասում ենք թող այդ եկամուտները բազմապատկված գան մեր տնտեսության մեջ: Այսինքն այս կամ այն կերպ պետական բյուջեն իր օգուտները քաղելու է ,-ասաց նա: Անդրադառնալով նրան, որ նախկինում էլ նման առաջարկ եղել է, և նախկին իշխանությունները մերժել են հրաժարվելով յուրաքանչյուր ուղևորի համար 76 դոլար վճարը վերցնել բյուջեից, Տիգրան Ուլիխանյանն ասաց. Պետական բյուջեն պետք չէ համարել պետությունից հեռու, օտարված գումարներ, պետական բյուջեն էլի վերջիվերջո պետք է բաշխվի ՀՀ քաղաքացիների միջև այս կամ այն կերպ: Հիմա մենք ասում ենքէ այդ գումարը ոչ թե գա բյուջե, և մենք բյուջեից տարբեր ծրագրեր իրականացնենք, այլ ասում ենք՝ թող այդ գումարը և դրա բազմապատկված չափը գա ՀՀ տնտեսություն, որից կդառնա հարկեր, կգա պետական բյուջե: Մենք որևէ կասկած չունենք, որ այդ գումարները հետ են վերադառնալու պետական բյուջե և ազդեցություն են ունենալու ընդհանուր տնտեսության վրա: Ես չգիտեմ՝ ինչ տվյալների մասին եք ասում, բայց բնականաբար պարզ է, որ այս ծրագիրը իրականացնելուց որոշակի հաշվարկներ արել են, և ծրագիրը համարվել է շահավետ, ոչ թե վնասաբեր : Պատգամավորը նշեց, որ բոլոր ռիսկերը կշռվելով՝ ծրագիրը համարվել է շահավետ և անպայման ՀՀ-ի համար էական օգուտներ է ապահովելու: Դիտարկմանը, թե ինչպես քաղաքացին համոզված լինի, որ դա տնտեսական առումով իսկապես շահավետ է և միայն ցուցադրելու համար չի արվում, պատգամավորնն ասաց, որ քաղաքացիների իմանալու համար կան իրազեկման տարբեր մարմիններ: ՀՀ բյուջեն թափանցիկ է, և կան ցուցանիշներ, որ ամբողջությամբ բնութագրում են երկրի տնտեսական աճի զարգացումը և պարբերաբար հրապարակվում են: Ապագայում ակնկալում ենք, որ ինքն իր վրա զգալու է դրա բերած օգուտը ,-ասաց նա: Հիշեցնենք, որ Ryanair-ը պաշտոնապես հայտարարել է, որ 2020 թվականի հունվարից մտնում է հայկական ավիափոխադրումների շուկա և 2020 թվականի հունվարից կանոնավոր թռիչքներ կիրականացնի Հռոմից Երևան, Միլանից Երևան, իսկ ամռանից նաև Բեռլինից Երևան:

Related news

Latest News
Hashtags:   

Կասկած

 | 

չունենք

 | 

գումարները

 | 

վերադառնալու

 | 

պետական

 | 

բյուջե

 | 

քայլի

 | 

պատգամավորը՝

 | 

Ryanair

 | 

ավիաընկերության

 | 

գործունեության

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources