Tuesday 19 November 2019
Home      All news      Contact us      English
tert.am - 1 month ago

Իշխանությունների տարանջատման սկզբունքի խախտումն անթույլատրելի էր, իրավապահ մարմինների կողմից չպետք է խրախուսվեր. սահմանադրագետը՝ ՍԴ նախագահի շուրջ ստեղծված գործընթացի մասին

Ինչ մեկնարկել է յոթերորդ գումարման ԱԺ-ն, Սահմանադրական դատարանի նկատմամբ մի շարք քաղաքական հետապնդումներ և ճնշումներ են գործադրվում, սա էլ հերթական փուլն է՝ վերջնանպատակն է՝ ունենալ կառավարելի Սահմանադրական դատարան։ Այս մասին Tert.am-ի հետ զրույցում ասաց Պառլամենտարիզմի զարգացման միջազգային կենտրոնի գործադիր տնօրեն, սահմանադրագետ Գոհար Մելոյանը՝ անդրադառնալով պատգամավոր Արման Բաբաջանյանի դիմումի հիման վրա ՀՔԾ-ում ՍԴ նախագահ Հրայր Թովմասյանի վերաբերյալ գործ հարուցելուն, ինչպես նաև՝ նրա հորն ու դստրերին ԱԱԾ հրավիրելուն: Նպատակն է՝ անցանկալի, անկառավարելի դատավորներին մեկուսացնել ՍԴ-ից, իսկ հիմնական թիրախում դեռևս գտնվում է Հրայր Թովմասյանը: Հերթով բոլոր փուլերը, ճնշումները սպառելուց հետո թևակոխում են մեկ այլ փուլ ,- ասաց նա: Ըստ սահմանադրագետի՝ իրականությունն այն է, որ Սահմանադրության 98-րդ հոդվածով որպես պատգամավորի լիազորությունների դադարեցման հիմք նշված է մանդատի համատեղելիության սկզբունքը: Այսինքն՝ այդ հոդվածով պատգամավորը չի կարող զբաղեցնել այլ պետական պաշտոն, իսկ ըստ Սահմանադրության 95-րդ հոդվածի՝ երբ Հրայր Թովմասյանը, հանդիսանալով ԱԺ պատգամավոր, ընտրվեց ՍԴ դատավոր, օրենքի ուժով արդեն որպես պատգամավոր իր լիազորությունները դադարեցվեցին ,- պարզաբանեց նա և հավելեց, որ Սահմանադրության այս հոդվածներն ուժի մեջ են մտել 6-րդ գումարման ԱԺ անդրանիկ նիստից: Նշենք, որ Արման Բաբաջանյանի դիմումը վերաբերում է ՍԴ նախագահ Հրայր Թովմասյանի լիազորությունները դադարեցնելուն, քանի որ, ըստ իրեն, նա ընտրվել է ՍԴ դատավոր՝ լինելով ԱԺ պատգամավոր: Ինչ վերաբերում է Հրայր Թովմասյանի հորը և դստրերին ԱԱԾ հրավիրելուն, ապա նաև՝ նրա հոր տանը ԱԱԾ-ականների կողմից տան տանիքի նորոգման վերաբերյալ տեղեկություններ պահանջելուն, Գոհար Մելոյանն ասաց. Բնական է, բացի նրանից, որ ականատես եղանք մի շարք խեղաթյուրված իրավական մանրուքների, ինչպիսին էր դատավոր-անդամ դիսկուրսը, ԱԺ դիմումը ՍԴ և այլն, հիմա ականատես ենք լինում հերթական իրավական նոնսենսին, որը, բնականաբար, քաղաքական ենթատեքստ ունի: Այսինքն՝ իրավական, քաղաքական, անձնական բնույթի ճնշումներ են կիրառվում կոնկրետ անձի ՍԴ-ից մեկուսացնելու համար ,- նշեց նա: Նա խոսքով՝ սա իշխանության մյուս ճյուղերի՝ գործադիրի և օրենսդիրի կողմից դատական իշխանության վրա ճնշման դրսևորում է: Ակնհայտ է՝ խախտվում է իշխանությունների տարանջատման և հավասարակշռման՝ Սահմանադրությամբ ամրագրված սկզբունքը: Սա ուժեղագույն հարված է մեր պետությանը՝ որպես իրավական պետության: Իշխանությունների տարանջատման սկզբունքի խախտումն անթույլատրելի էր և առնվազն իրավապահ մարմինների կողմից պետք է գնահատանքի արժանանար, ոչ թե նրանց կողմից էլ տուրք տրվեր այդ գործընթացին ,- շեշտեց սահմանադրագետը: Նրա խոսքով՝ հենց դատարանների շրջափակման օրվանից են մեկնարկել դատական իշխանության նկատմամբ ակնհայտ ճնշումները: Եթե հետադարձ հայացք նետենք՝ այս ամբողջ գործընթացների հիմքը դարձավ իշխանության համար ոչ հաճո դատական ակտերի ընդունումը, որը հանգեցրեց ագրեսիվ ռեակցիայի դեպի դատական իշխանություն ,- ասաց նա: Իսկ թե ո՞րն է այս գործընթացի դեմ պայքարի ուղին, Գոհար Մելոյանը նշեց՝ քանի որ որևէ պետական մարմնի աջակցությունն ակնկալելն անիմաստ է, որովհետև գրեթե բոլոր պետական մարմինների ղեկավարները ներկայացնում են մի քաղաքական ուժի, ապա այս ամենի դեմն առնելը պետք է լինի նախ քաղհասարակության զարգացումը, հանրության ձայնը բարձրացնելը: Պետք է գա այն պատմական դասական օրինակը, որ երբ պետությունն ավտորիտար պետության դիրք է բռնում, արդեն հանրությունն է որպես զսպող օղակ հանդիսանում։ Այսինքն՝ պետք է հանրությունը բարձրաձայնի խնդիրները ,- ընդգծեց նա:

Related news

Latest News
Hashtags:   

Իշխանությունների

 | 

տարանջատման

 | 

սկզբունքի

 | 

խախտումն

 | 

անթույլատրելի

 | 

իրավապահ

 | 

մարմինների

 | 

կողմից

 | 

չպետք

 | 

խրախուսվեր

 | 

սահմանադրագետը՝

 | 

նախագահի

 | 

շուրջ

 | 

ստեղծված

 | 

գործընթացի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources