Thursday 14 November 2019
Home      All news      Contact us      English
azatutyun - 28 days ago

Արման Բաբաջանյան․ Հրայր Թովմասյանին որպես մեղադրյալ չներգրավելու որևէ ճանապարհ չկա

«Ամեն ինչ տանելու է Հրայր Թովմասյանին գործով մեղադրյալ ներգրավվելուն», - «Ազատության» հետ զրույցում կարծիք հայտնեց Ազգայի ժողովի պատգամավոր Արման Բաբաջանյանը՝ մեկնաբանելով իր իսկ հաղորդման հիման վրա Հատուկ քննչական ծառայությունում իշխանությունը յուրացնելու առերևույթ հանցագործության դեպքի առթիվ հարուցված քրեական գործը։ Բաբաջանյանը պնդում է, թե Հրայր Թովմասյանը յուրացրել է Սահմանադրական դատարանի նախագահի պաշտոնը՝ կիրառելով հանցավոր սխեմաներ․ - «Ես կարծում եմ, որ բավարար հիմքեր կային այսպիսի ելքի համար, և ուրախ եմ, որ Գլխավոր դատախազությունը գործի նյութերը ուղարկել էր Հատուկ քննչական ծառայություն: Շատ օպերատիվ կերպով գործը հարուցվել է, և արդեն կարծեմ քննչական գործողություններ են իրականացվել Հանրապետական կուսակցությունում, Սահմանադրական դատարանում: Հրայր Թովմասյանին որպես մեղադրյալ չներգրավելու որևէ ճանապարհ չկա, ամեն ինչ հենց դրան է տանելու»: ՀՔԾ-ի տարածած հաղորդագրությունում գործով մեղադրյալների կամ կասկածյալների մասին տեղեկություններ չկան։ Նշեմ, որ օրենքով Սահմանադրական դատարանը պետք է համաձայնություն տա իր լիազորությունների իրականացման կապակցությամբ դատավորի նկատմամբ քրեական հետապնդում հարուցելու, նրան ազատությունից զրկելու համար: Որոշումը ընդունվելու համար 5 դատավորի ձայն է անհրաժեշտ։ Իսկ դիմումով ՍԴ պետք է դիմի Գլխավոր դատախազը: «Այս պահին նման հարց չի քննարկվում», - «Ազատությանը» փոխանցեց Գլխավոր դատախազի մամուլի խոսնակ Արևիկ Խաչատրյանը։ ՀՔԾ-ից հաստատեցին տեղեկությունը, որ ՍԴ-ում և ՀՀԿ գրասենյակում քննչական գործողություններ են իրականացրել: Հանրապետականի փոխնախագահ Արմեն Աշոտյանը ֆեյսբուքյան գրառմամբ տեղեկացրել է, որ կուսակցության կենտրոնական գրասենյակ է այցելել ՀՔԾ քննիչը՝ առգրավելու համար Հրայր Թովմասյանի ՀՀԿ անդամության կասեցմանը վերաբերող նյութերը։ Սահմանադրական դատարանից «Ազատությանը» փոխանցեցին, որ ՍԴ նախագահ Թովմասյանը այս պահին արձակուրդուըմ է՝ չմեկնաբանելով հարուցված քրեական գործը։ Սահմանադրական դատարանի անդամներ Ալվինա Գյուլումյանն ու Արևիկ Պետրոսյանը ևս ձեռնպահ մնացին գնահատականներից: «Որևէ մեկնաբանություն այս պահին կխուսափեմ անելուց, քանի դեռ տեղյակ չեմ ինչ հիմքերով է հարուցվել, քանի դեռ մեր գործընկերոջ հետ որևէ խոսակցություն չենք ունեցել: Այնպես որ, ենթադրություններ ես չեմ կարող անել», - ասաց Գյուլումյանը: «Նախ դեռ պետք է հարուցելու վերաբերյալ որոշմանը ամբողջությամբ ծանոթանալ: Թե ինչքանով դա կարող է առնչակցություն ունենալ Սահմանադրական դատարանի հետ, դրանով նաև կաշկանդված եմ տեսակետ արտահայտելու», - նշեց Պետրոսյանը:

Related news

Latest News
Hashtags:   

Արման

 | 

Բաբաջանյան․

 | 

Հրայր

 | 

Թովմասյանին

 | 

որպես

 | 

մեղադրյալ

 | 

չներգրավելու

 | 

ճանապարհ

 | 
Most Popular (6 hours)

Most Popular (24 hours)

Most Popular (a week)

Sources