Thursday 14 November 2019
Home      All news      Contact us      English
tert.am - 29 days ago

Վստահությունը չարաշահելու եղանակով քաղաքացին հափշտակել է գումարներ. քրեական գործը դատարանում է. ՔԿ

ՀՀ քննչական կոմիտեի ԵՔՔՎ Ավան և Նոր Նորք վարչական շրջանների քննչական բաժնում ավարտվել է վստահությունը չարաշահելու եղանակով քաղաքացիներից գումարներ հափշտակելու դեպքի առթիվ հարուցված քրեական գործի նախաքննությունը. մեղադրանք է առաջադրվել 30-ամյա տղամարդուն: Այս մասին հայտնում են ՔԿ-ից: Քննությամբ ձեռք բերված փաստական տվյալների համաձայն՝ առերևույթ հանցագործություն կատարած անձը՝ ծնված 1989թ., արատավորող տեղեկություններ հրապարակելու սպառնալիքով Երևան քաղաքի բնակչուհուց պահանջել է գումար՝ պատճառելով զգալի չափերի վնաս: Բացի այդ, նույն անձը, սեռական բնույթի ձայնագրությունները ինտերնետային կայքէջից ջնջելու կեղծ պատրվակով, խարդախությամբ փորձել է Արմավիր քաղաքի բնակչուհուց հափշտակել զգալի չափի գումար, սակայն իր կամքից անկախ հանգամանքներով հանցագործությունն ավարտին չի հասցրել։ Պարզվել է նաև, որ 30-ամյա տղամարդը 2016-2018թթ. ընթացքում, տարբեր պատրվակներով քաղաքացիներից հափշտակել է գումարներ՝ վերջիններիս պատճառելով խոշոր չափերի վնաս: Ձեռք բերված բավարար ապացույցների համակցությամբ՝ 30-ամյա տղամարդուն մեղադրանք է առաջադրվել՝ ՀՀ քրեական օրենսգրքի 182-րդ հոդվածի 1-ին մասով, 178-րդ հոդվածի 2-րդ մասի 2-րդ կետով /2 դրվագ/, 178-րդ հոդվածի 1-ին մասով և 34-178-րդ հոդվածի 1-ին մասով: Նրա նկատմամբ որպես խափանման միջոց է ընտրվել կալանավորումը: Նախաքննությունն ավարտվել է, և քրեական գործը՝ մեղադրական եզրակացությամբ, ուղարկվել դատարան:

Related news

Latest News
Hashtags:   

Վստահությունը

 | 

չարաշահելու

 | 

եղանակով

 | 

քաղաքացին

 | 

հափշտակել

 | 

գումարներ

 | 

քրեական

 | 

գործը

 | 

դատարանում

 | 
Most Popular (6 hours)

Most Popular (24 hours)

Most Popular (a week)

Sources