Wednesday 20 November 2019
Home      All news      Contact us      English
tert.am - 1 month ago

CNN-ը հայկական լավաշը ներառել է աշխարհի 50 լավագույն հացատեսակների ցանկում (լուսանկարներ)

Լրագրող Ջեն Ռոուզ Սմիթը հանրահայտ CNN հեռուստաալիքի կայքում անդրադարձ է կատարել աշխարհի ամենահայտնի և համեղ 50 հացատեսակներին դրանց շարքում նշելով նաև հայկական հայտնի լավաշը: Հոդվածագիրը նշում է, որ այն, թե մենք ինչ ենք պատկերացնում հաց ասելով, շատ բան է պատմում մեր ծագման երկրի մասին, սակայն, այնուամենայնիվ, հացի սահմանումը տալը, միանշանակ, հեշտ չէ: Հացի պատմության ուսումնասիրողներից մեկի Ուիլյամ Ռուբելի կարծիքով հացի հստակ սահմանումը տալը կարևոր չէ, նույնիսկ պետք չէ. հացի մասին խոսում է երկրի մշակույթը: Հաց պատրաստելու համար նույնիսկ չպետք է ալյուրի հստակ տեսակ սահմանել. առաջին գյուղատնտեսական հասարակությունները, օրինակ Հորդանանի Սև անապատում , բույսերի պալարներից կամ հատիկներից ալյուր են ստացել և հաց պատրաստել: Այսօր հին հացատեսակների ժառանգորդները վկայում են սննդի հետ կապված վաղեմի ավանդույթների բազմազանության մասին: Հոդվածի հեղինակը, այնուհետև, թվարկել է աշխարհի 50 ամենահայտնի հացատեսակները և պատմել դրանց մասին: Ցանկում առաջինը նշված է աֆղանական բոլանին, որի իրական հմայքը թաքնված է ներսում. խմորը բարակ շերտի վերածելուց հետո աֆղան հացթուխները նրա մեջ կարտոֆիլ, սպանախ կամ ոսպ են լցնում, իսկ թարմ կանաչեղենը յուրահատուկ համ է հաղորդում հացին: Հացը թխվում է տաք յուղի մեջ: Այնուհետև ներկայացված է հայկական լավաշը: Հոդվածագիրը լավաշի մասին հետևյալ կերպ է արտահայտվել. Երբ հայ սկեսուրդ լավաշը ձեռքին, հայտնվում է քո առջև, չզարմանաս. ավանդույթի համաձայն լավաշը նորապսակներին բարեկեցություն է բերում : Հոդվածագիրը նշում է, որ լավաշ պատրաստելը խմբային աշխատանք է պահանջում: Լավաշը գրտնակով բարակեցնելու և վերջնական տեսքի բերելու համար հացթուխ կանանց խումբ է հավաքվում, իսկ կավե կլորավուն վառարանի թոնրի պատերին հացն ամրացնելու համար հմուտ ձեռքեր են պահանջվում: Հայկական մշակույթում լավաշի դերն այնքան մեծ է, որ այն ներառվել է UNESCO-ի ներկայացուցչական ցանկում որպես ոչ նյութական ժառանգություն: 50 ամենահայտնի հացերի շարքում նշվում է նաև ավստրալական դամպերը, բանգլադեշյան լուչին , չիլիական մարաքետտան, չինական շաոբինը, կուբայական հացը, ինչպես նաև վրացական խաչապուրին, իրանական սանգակը, թուրքական սիմիթը, ռուսական կարավայը և այլն: Վրացական խաչապուրին Իրանական սանգակը ռուսական կարավայը թուրքական սիմիթը

Related news

Latest News
Hashtags:   

հայկական

 | 

լավաշը

 | 

ներառել

 | 

աշխարհի

 | 

լավագույն

 | 

հացատեսակների

 | 

ցանկում

 | 

լուսանկարներ

 | 
Most Popular (6 hours)

Most Popular (24 hours)

Most Popular (a week)

Sources