Thursday 14 November 2019
Home      All news      Contact us      English
tert.am - 29 days ago

Կոչ կանեմ հայոց լեզուն, հայ գրականությունը և հայոց պատմությունը ինձանից չպաշտպանել. Ա. Հարությունյանը՝ բուհերում 3 առարկայի ոչ պարտադիր դասավանդման մասին

Շատ հաճախ աղմուկն ավելի շատ է, քան իրական քննարկումը: Այս մասին լրագրողների հետ զրույցում ասաց ՀՀ ԿԳՄՍ նախարար Արայիկ Հարությունյանը անդրադառնալով Բարձրագույն կրթության և գիտության մասին օրենքի նախագծի աշխատանքային տարբերակի Հայոց լեզու , Հայ գրականություն և Հայոց պատմություն առարկաների բուհերում պարտադիր դասավանդման դադարեցմանն ու դրան հասարակության լայն շերտերի բացասական արձագանքին: Ես պարզապես կոչ կանեմ հայոց լեզուն, հայ գրականությունը և հայոց պատմությունը ինձանից չպաշտպանել, որովհետև ես այդ հայագիտական բլոկի դասավանդման հետ կապված իմ դիրքորոշումը շատ վաղուց եմ հայտնել: 2010 թվականին կար Մենք դեմ ենք օտարալեզու դպրոցների բացմանը նախաձեռնությունը, որի հիմնադիրներից մեկը ես եմ, և ինձ համար տարօրինակ է, որ այսքան պաթոսախառն և հայրենասեր տեքստեր այն ժամանակ այս ծավալի չկային: Ո՞ւր էին այդ մարդիկ, երբ շատ ռեալ վտանգված էր դպրոցներում այս առարկաների դասավանդումը: Մենք 50-100 հոգի էինք, հիմա բոլորը կարողանում են իրենց կուրծքը ծեծել ֆեյսբուքներում , բայց իրական քննարկումների մեջ չմտնել ,-ասաց նախարարը նշելով, որ լուծումները, որոնք առաջարկում է նախարարությունը, շատ տրամաբանական են: Դպրոցները 12-ամյա են, և աշակերտներն այն ավարտում են 18 տարեկանում, և եթե նախկինում բուհ ընդունվելը 16 տարեկանից էր, և շատ հաճախ ասում էին, որ դպրոցում տարիքը չի ներում, օրինակ, հայոց պատմությունը ընկալել հենց այն ծավալով, և, ինչպես հնարավոր է ավելի հասուն տարիքում, այդ հարցը լուծված է ,-ասաց Հարությունյանը: Վերջինիս խոսքով այս նախագծով ուժեղացնում են դպրոցներում տվյալ առարկաների դասավանդումը: Այսինքն բովանդակությունը փոխվում է այնպես, որ դրա կրկնումը բուհերում այլևս անհրաժեշտություն չի լինում ,-ասաց ԿԳՄՍ նախարարը նշելով, որ այս խնդիրը եղել է դեռ 1990-ականներից, երբ դժգոհություններ կային, որ ոչ մասնագիտական առարկաների դասավանդման հետևանքով մասնագիտական առարկաների համար դասաժամեր չեն մնում:

Related news

Latest News
Hashtags:   

կանեմ

 | 

հայոց

 | 

լեզուն

 | 

գրականությունը

 | 

հայոց

 | 

պատմությունը

 | 

ինձանից

 | 

չպաշտպանել

 | 

Հարությունյանը՝

 | 

բուհերում

 | 

առարկայի

 | 

պարտադիր

 | 

դասավանդման

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources