Sunday 17 November 2019
Home      All news      Contact us      English
tert.am - 1 month ago

ՀՔԾ-ն թող քննի Փաշինյանի վարչապետի պաշտոնը ստանձնելու ընթացակարգը. Ռ. Մելիքյանը Հ. Թովմասյանի ՍԴ դատավոր ընտրվելու գործընթացի վերաբերյալ քրգործի մասին

Այս լուրը երկու տարբեր հարթությամբ կարելի է գնահատել քաղաքական և իրավական, որոնք սերտորեն փոխկապակցված են: Այս մասին Tert.am-ի հետ զրույցում ասաց Իրավական ուղի ՀԿ համահիմնադիր Ռուբեն Մելիքյանը անդրադառնալով ԱԺ պատգամավոր Արման Բաբաջանյանի կողմից Հրայր Թովմասյանի ՍԴ դատավոր ընտրվելու գործընթացի վերաբերյալ ՀՀ գլխավոր դատախազին ներկայացված հաղորդման հիման վրա ՀՔԾ-ի կողմից քրեական գործի հարուցմանը։ Քաղաքական հարթությունում դիտարկելիս, ըստ Ռուբեն Մելիքյանի, ամեն ինչ ակնհայտ է. իշխող քաղաքական ուժն իր առջև դրել է քաղաքական խնդիր հեռացնել ՍԴ նախագահ Հրայր Թովմասյանին, և իրեն հասու բոլոր միջոցները օրինական, թե անօրինական, պատրաստ է կիրառել այդ քաղաքական խնդրի լուծման համար: Սա նաև պայմանավորված է այն հանգամանքով, որ ՍԴ-ն մերժեց վարույթ ընդունել Հրայր Թովմասյանի լիազորությունները դադարեցնելու վերաբերյալ ԱԺ-ի ներկայացրած դիմումը, և հիմա իշխող քաղաքական ուժը նոր փորձ է կատարում ավելի անհեթեթ բովանդակությամբ հեռացնելու Հրայր Թովմասյանին ,-պարզաբանեց իրավաբանը: Հարցին եթե սա իշխող քաղաքական ուժի փորձն է Հրայր Թովմասյանին հեռացնելու, ապա ինչ կապ ունի ԱԺ անկախ պատգամավոր Արման Բաբաջանյանը, Ռուբեն Մելիքյանը պատասխանեց. Ես կարծում եմ Արման Բաբաջանյանի վերջին շրջանի վարքագիծը ցույց է տալիս, որ ինքը շատ ավելի իմքայլական է, քան բոլոր իմքայլականները միասին վերցրած, ուստի որևէ հակասություն չկա Արման Բաբաջանյանին համարելու Իմ քայլի քաղաքական խնդիրների լուծմանը նպաստող գործիչ : Անդրադառնալով հարցի իրավական հարթությանը Մելիքյանն ասաց, որ այն ավելի մեծ ծաղր է ներկայացնում իրավունքի նկատմամբ, քան, նույնիսկ, ԱԺ-ի կողմից ՍԴ ուղարկված և անգամ վարույթ չընդունված դիմումը: Փորձ է կատարվում ինչ-որ իրավական ձևակերպումներ գտնել և իրավական խութեր գտնել 2018 թվականի մարտին Հրայր Թովմասյանի ոչ թե ՍԴ նախագահ, այլ ՍԴ դատավոր դառնալու գործընթացում: Մասնավորապես, ըստ հանցագործության մասին հաղորդումը ներկայացնողի խնդիրն այն էր, որ Հրայր Թովմասյանը պետք է դիմում ներկայացներ ԱԺ պատգամավորի իր լիազորությունները դադարեցնելու վերաբերյալ և նման դիմում չի ներկայացրել, հետևաբար, նա միաժամանակ եղել է և ՍԴ դատավոր, և ԱԺ պատգամավոր, դրանով էլ տեղի է ունեցել իրավական խախտում : Իրավաբանի խոսքով ամբողջ հարցը հետևյալն է. ժամանակին գործած իրավական կարգավորումների ուժով գործընթացը կատարվում էր ոչ թե դիմումի հիման վրա, այլ օրենքի ուժով: Այսինքն օրենքի ուժով անձը ընտրվել է պաշտոնի, հետևաբար, օրենքի ուժով նրա պատգամավորական գործունեությունը դադարեցվել է ,-մեկնաբանեց Մելիքյանը նշելով նաև, որ չի կարծում Հրայր Թովմասյանը, երբ արդեն ընտրվել է ՍԴ դատավոր, որևէ գործողություն կատարած լինի, որը բնորոշ է ԱԺ պատգամավորին: Ռուբեն Մելիքյանն առանձնացրեց նաև մի կետ, որը, իր խոսքով, ամենակարևորն է: Հրայր Թովմասյանի ՍԴ դատավոր ընտրվելուց 2 ամիս անց նույն իրավիճակը կարող էինք տեսնել այլ անձանց դեպքում. մասնավորապես, ԱԺ պատգամավորի հետ անհամատեղելի պաշտոնների են ընտրվել մի քանի անձինք. Նիկոլ Փաշինյանը վարչապետ, Արարատ Միրզոյանը որպես առաջին փոխվարչապետ, այլ պատգամավորներ էլ նշանակվել են նախարարներ, մասնավորապես Մանե Թանդիլյանը, Արտակ Զեյնալյանը: Արդյո ՞ք այդ մարդիկ դիմումներ են գրել, որ նրանց պատգամավորական լիազորությունները դադարեցվեն, թե ՞ օրենքի ուժով, ինչպես և պետք է ընկալենք իրավունքը, նրանց լիազորությունները դադարեցվել են, և նրանք նոր կարգավիճակ են ստանձնել ,-ասաց նա ընդգծելով, որ եթե Հրայր Թովմասյանի ԱԺ-ին դիմում չներկայացնելը հանցագործություն է համարվում, ապա ՀՔԾ-ն թող քննի, օրինակ, վարչապետ Նիկոլ Փաշինյանի վարչապետի պաշտոնը ստանձնելու ընթացակարգը: Իրավիճակը նույնությամբ կրկնվել է: Սա է պատճառը, որ ես կարծում եմ այստեղ իրավունք բացարձակ գոյություն չունի, այլ բացառապես քաղաքական խնդիր է լուծվում, նաև, հավանաբար, գործում է քարոզչական խնդիր քաղաքացիներին ցույց տալու, որ միջոցներ են ձեռնարկվում ՍԴ-ի հետ կապված քաղաքական խնդիրը լուծելու համար: Այստեղ իրավաբանություն չկա: Եթե այս նույն պրոգրեսիան հաշվի առնելով դիտարկենք, թե որքան մեծ անկում ենք ունենում իրավունքի ընկալման հարցում, ապա դժվար է պատկերացնել, թե հաջորդը ինչ փաստ կորակվի որպես հանցավոր, և դրա վերաբերյալ հարկատուների հաշվին կիրականացվի քննություն իշխող քաղաքական ուժի քաղաքական խնդիրները լուծելու նպատակով ,-ասաց Իրավական ուղի ՀԿ համահիմնադիրը: Հարցին ինչպես իրեն կդրսևորի ՀՔԾ-ն, Ռուբեն Մելիքյանը պատասխանեց, որ քրեական գործի հարուցումը ցույց է տալիս, որ նախնական տեսանկյունից ՀՔԾ-ն արդեն իսկ ողջամիտ է համարել այս ամբողջ անհեթեթությունը, որն իր սեղանին դրված է եղել: Շատ տեղին է նաև հիշել Արարատի մարզպետի խոսքը, որ Ոստիկանությունը միշտ էլ օրվա իշխանության ծառայողն է, նա շատ ազնվորեն խոստովանել էր իրենց քաղաքական թիմի մոտեցումը, և տեսնում ենք, որ նույնը կարելի է վերագրել նաև ՀՔԾ-ին: Ներկայիս Հայաստանում դժվար է որևէ կերպ հասկանալ, թե ինչպիսի ընթացք է ունենալու գործը, որովհետև մենք իսկապես ապրում ենք 24-ժամյա ցիկլով, բայց մի բան փաստ է այս քրեական գործի հարուցումը անօրինական է ,-ամփոփեց Ռուբեն Մելիքյանը: Հիշեցնենք, որ ՀՀ ԱԺ պատգամավոր Արման Բաբաջանյանի կողմից Հրայր Թովմասյանի ՍԴ դատավոր ընտրվելու գործընթացի վերաբերյալ ՀՀ գլխավոր դատախազին ներկայացված հաղորդման հիման վրա ՀՔԾ-ն քրեական գործ է հարուցել, կատարվում է նախաքննություն:

Related news

Latest News
Hashtags:   

Փաշինյանի

 | 

վարչապետի

 | 

պաշտոնը

 | 

ստանձնելու

 | 

ընթացակարգը

 | 

Մելիքյանը

 | 

Թովմասյանի

 | 

դատավոր

 | 

ընտրվելու

 | 

գործընթացի

 | 

վերաբերյալ

 | 

քրգործի

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources