Thursday 14 November 2019
Home      All news      Contact us      English
tert.am - 28 days ago

Բարսելոնայում ցուցարարներն աղբամաններով փակել են քաղաքի փողոցները, այրել ավտոմեքենաներ

Կատալոնիայի տարբեր քաղաքներում չորեքշաբթի երեկոյան կրկին բողոքի ակցիաներ են սկսվել, ամենամարդաշատ հավաքն անցկացվում է Բարսելոնայում, հաղորդում է РИА Новости-ն: Աղբյուրի փոխանցմամբ՝ Բարսելոնայի Գրան-Վիա փողոցում հավաքված հազարավոր ցուցարաներ զուգարանի թուղթ են շպրտել օդ, ինչն, իրենց ձևակերպմամբ, խորհրդանշում է այն, որ ինքնավար հանրության մեջ մաքրելու դեռևս շատ բան կա : Այնուհետև ցուցարարները հավաքը շարունակել են Ներքին գործերի նախարարության շենքի մոտ, որտեղ ոստիկանները ստիպված են եղել նրանց հեռացնել ուժի գործադրմամբ, հայտնում է ТАСС-ը: Աղբյուրի փոխանցմամբ՝ բախումներից հետո ակցիայի մասնակիցները սկսել են աղբամաններով փակել քաղաքի փողոցները: Նշվում է, որ ցուցարարների գործողությունների հետևանքով 6 ամտոմեքենա է այրվել: Հանրահավաքներ են անցկացվում նաև Ժիրոնայում, որտեղ ցուցարարները պահանջում են Ներքին գործերի նախարարի խորհրդական, գեներալ Միքելե Բուկի հրաժարականը: Ավելի վաղ, Բուկը դատապարտել էր արմատականների գործողությունները և հայտարարել անկարգությունների ընթացքում Կատալոնիայի իրավապահ մարմինների գործողությունների իրավաչափ լինելու մասին: Բողոքի ակցիա տեղի է ունենում նաև Լերիդա քաղաքում: Իսպանիայի Գերագույն դատարանի կողմից դատապարտված կատալոնացի քաղաքական գործիչների կողմնակիցները հավաքվել են նաև Մադրիդի Պուերտա դել Սոլ հրապարակում: Նրանք վանկարկում են Ազատություն : Հիշեցնենք, որ Կատալոնիայում զանգվածային բողոքի ցույցերը սկսվել են հոկտեմբերի 14-ին այն բանից հետո, երբ Իսպանիայի Գերագույն դատարանը 12 կատալոնացի քաղաքական գործչի ազատազրկման դատապարտեց 2017-ին անկախության անօրինական հանրաքվեին ներգրավված լինելու համար:

Related news

Latest News
Hashtags:   

Բարսելոնայում

 | 

ցուցարարներն

 | 

աղբամաններով

 | 

փակել

 | 

քաղաքի

 | 

փողոցները

 | 

այրել

 | 

ավտոմեքենաներ

 | 
Most Popular (6 hours)

Most Popular (24 hours)

Most Popular (a week)

Sources