Tuesday 19 November 2019
Home      All news      Contact us      English
tert.am - 1 month ago

Չկա ռացիոնալ մարդ, ով կարող է ասել, որ դա այդպես չէ. Արթուր Ղազինյանը Միքայել Մինասյանի հոդվածների մասին

Մեկ Հայաստան կուսակցության հիմնադիր, իրավաբանական գիտությունների թեկնածու Արթուր Ղազինյանը ոչ միայն կիսում է Սուրբ Աթոռում Հայաստանի նախկին դեսպան Միքայել Մինասյանի գնահատականը, թե Նիկոլ Փաշինյանը երկիրը կառավարում է ճիշտ այնպես, ինչպես ժամանակին ղեկավարել է Հայկական ժամանակ օրաթերթը, այլ նաև գտնում է, որ բոլոր ռացիոնալ մտածողների հայտարարություններում այդ մտահոգությունը կարմիր թելով անցնում է: Չկա ռացիոնալ մարդ, ով կարող է ասել, որ դա այդպես չէ, չկա մեկը, ով իրականում մտածում է պետության և պետականության, պետական ազգային ինստիտուտների արդյունավետ գործունեության, վստահության, կանխատեսելի քաղաքականության մասին և հակառակը ասի ,-ասաց նա: Արթուր Ղազինյանը նշեց, որ այս պահին, կարծես թե, ոչ այդքան տեսանելի գործընթաց է ընթանում նոր քաղաքական կենտրոնի ձևավորման առումով: Դա հների և նորերի այլընտրանքի ապագայի քաղաքականությունն է, և այդ պետականակենտրոնության գաղափարը օրեցօր դառնում է առավել ակտուալ և ավելի ընկալելի: Հետևաբար ցանկացած օժանդակություն և ցանկացած լրացում այս գործընթացին ի վերջո ուժեղացնելու է պետության և պետականության դիրքերը ,-ասաց նա: Ըստ կուսակցության ղեկավարի մենք այսօր գտնվում ենք երկու ծայրահեղությունների մեջ: Մենք ունենք ծայրահեղություն, երբ իշխանությունը քիչ էր խոսում, գրեթե չէր խոսում, լռում էր երկար տարիներ, հիմա ունենք իշխանություն, որը համառորեն չի ուզում լռի, խոսում է շատ, երբեմն անիմաստ և անբովանդակ: Այդ մարդիկ՝ նախկիններից հոգնած, սրանից այս պահին գոնե առայժմ հաճույք են ստանալու, բայց սա շատ կարճ է տևելու, քանի որ ի վերջո առաջ է գալու աշխատելու, ինչ-որ բան փոխելու, զարգացնելու պահանջը, իսկ դա արդեն պոպուլիստների խելքի բանը չէ, դա գրագետ, պրոֆեսիոնալ, իրենց գործը իմացող, ոլորտին տիրապետող կանխատեսում անելու ունակ մարդկանց անելիքն է, ինչը մի քիչ հեռու է այսօրվա իշխանությունների բնույթից ,-ասաց նա: Արթուր Ղազինյանը նշեց, որ այսօրվա իրավիճակում ռացիոնալ, մտածող մասը դեռևս որոշիչ ուժ չի հանդիսանում ներքին քաղաքական գործընթացներում: Առայժմ Հայաստանում գերիշխում են էմոցիոնալ հուզական, քաղաքական գծերը: Պարզապես ժամանակ է պետք, շատ շտապել պետք չէ, քանի որ մարդիկ պետք է հասկանան, թե ինչն է ճիշտ, ինչ է պետք ,-ասաց նա:

Related news

Latest News
Hashtags:   

ռացիոնալ

 | 

կարող

 | 

այդպես

 | 

Արթուր

 | 

Ղազինյանը

 | 

Միքայել

 | 

Մինասյանի

 | 

հոդվածների

 | 

մասին

 | 
Most Popular (6 hours)

Most Popular (24 hours)

Most Popular (a week)

Sources