Tuesday 12 November 2019
Home      All news      Contact us      English
tert.am - 27 days ago

Դատապարտում ենք դա, ԼՀ խմբակցությունը Վահե Գրիգորյանից պարզաբանում է պահանջել նիստերին բացակայելու վերաբերյալ, նրան ՍԴ դատավոր դարձրած քաղաքական ուժից ևս. Տ. Սիմոնյան (տեսանյութ)

Լուսավոր Հայաստան խմբակցությունը դատապարտել, դատապարտում և դատապարտելու է դատական իշխանության նկատմամբ ցանկացած ոտնձգություն, իսկ Սահմանադրական դատարանի որոշումը՝ ՍԴ նախագահ Հրայր Թովմասյանի լիազորությունների դադարեցման դիմումի վերաբերյալ, անկախ նրանից իրենց համար ընդունելի է, թե ոչ, վերջնական որոշում է:
Այս մասին Tert.am-ի հետ զրույցում ասաց Ազգային ժողովի Լուսավոր Հայաստան խմբակցության պատգամավոր Տարոն Սիմոնյանը:

Անդրադառնալով ՀՀ սահմանադրական դատարանի նախագահի լիազորությունները դադարեցնելու վերաբերյալ նախագծին Լուսավոր Հայաստանի կողմ քվեարկելուն՝ Տարոն Սիմոնյանն ասաց, որ իրենք նախ հայտնել են, որ իրենք հայտարարել են, որ հարգում են իշխող խմբակցության կասկածելու իրավունքը և դատապարտում են դատավճիռ կայացնելը. Ի՞նչ է սա նշանակում. մենք ասում ենք, որ եթե դուք ձեր փաստաթղթում գրում եք, որ կասկածներ ունեք, որ միգուցե այս հանգամանքները կարող են հանգեցնել էական կարգապահական խախտման, ապա խնդիր չենք տեսնում, տարեք, ստուգեք, ՍԴ-ն կպատասխանի, մենք խոչընդոտ չենք լինի ձեր կասկածելու իրավունքի իրացմանը, բայց եթե դուք որոշել եք, որ դա կարգապահական խախտում է, կոչ եք անում, որ բոլորը ճանաչեն դա, մենք դա դատապարտում ենք, և այդ տրամաբանությամբ էլ իշխող խմբակցությունը խմբագրեց Հրայր Թովմասյանի լիազորությունների վերաբերյալ նախագիծը, որին մենք կողմ արտահայտվեցինք: Մենք պնդում էինք և հասանք նրան, որ իշխող խմբակցությունը օրենքի տառին համապատասխան իրացնի դա :



Դիտարկմանը, թե ամիսներ առաջ, երբ ՍԴ դատավոր ընտրվելուց հետո Վահե Գրիգորյանը Սահմանադրական դատարանում ճգնաժամի մասին նամակ էր գրել, Տարոն Սիմոնյանը չէր կիսել այդ կարծիքը, ասելով՝ մենք չենք մերժում որևէ քննարկում, բայց մերժում ենք հնարավոր բոլոր տեսակի գործողությունները, որոնք կհակասեն Սահմանադրությանը, իրավական պետությանը, օրենսդրությանը, եթե առաջնորդվենք պարոն Գրիգորյանի մեկնաբանությամբ, ապա կստացվի, որ մենք ավելի քան մեկ տարի Սահմանադրական դատարանի որոշումները ապօրինաբար ենք կիրառել, ի՞նչ փոխվեց հուլիսից հետո, Տարոն Սիմոնյանն ասաց, որ ոչինչ չի փոխվել, ինքն այդ կարծիքին է: Հարցին, թե ԼՀ խմբակցության համար ընդունելի է ՍԴ-ի որոշումը՝ վարույթ չընդունել ԱԺ-ի դիմումը Հրայր Թովմասյանի լիազորությունների դադարեցման վերաբերյալ, Տարոն Սիմոնյանն ասաց, որ կխոսի այդ մասին երբ կարդա որոշումը, սակայն դա վերջնական որոշում է, և իրենց կողմից ընդունելի լինել-չլինելը ոչինչ չի փոխում: Ինչ վերաբերում է ԱԺ պատգամավոր Արման Բաբաջանյանի նախաձեռնությանը կրկին Հրայր Թովմասյանի լիազորությունների դադարեցման վերաբերյալ, Տարոն Սիմոնյանն ասաց, որ դրան չեն միացել: Հարցին, թե եթե Բաբաջանյանը դուրս չգար իրենց խմբակցությունից, իրենք կրկին նույն տեսակետը կհայտնեին, Տարոն Սիմոնյանն ասաց՝ այո: Հարցին, թե ինչու ԱԺ ընդդիմադիր խմբակցությունը քայլեր չի նախաձեռնում Վահե Գրիգորյանի լիազորությունների դադարեցման վերաբերյալ, քանի որ անձը հունիսին ընտրվել է ՍԴ դատավոր, բարձր աշխատավարձ է ստանում, ընտանիքը պահպանվում է, սակայն աշխատանքի չի գնում, արդյոք դա չի ենթադրում, որ ԱԺ-ն անգործություն է դրսևորում, Տարոն Մարգարյանն ասաց, որ իրենք այդ հարցով պարզաբանումներ են խնդրել:

Մենք դատապարտում ենք նման վարքագիծը և պարզաբանումներ ենք պահանջում պարոն Վահե Գրիգորյանից, որովհետև դուք գիտեք, որ օրենքը պահանջում է, որ էական կարգապահական խախտում է, եթե երեքից ավելի առանց հարգելի պատճառի բացակայություններ են տեղի ունենում, ապա դա կարգապահական խախտման հիմք է, սա անընդունելի է մեզ համար, ասել ենք, որ չի կարելի, որ անձը պետբյուջեից փող ստանա և իր սահմանադրական պարտականությունները չկատարի: Եվ մենք պարզաբանումներ պահանջել ենք, որ հիմնավորի, թե ինչու չի ներկայանում: Եվ մենք կոչ ենք արել այն քաղաքական ուժին, որը նրան առաջ բերեց ու դարձրեց ՍԴ դատավոր, ի դե , օրենքի խախտման ներկայացման պարագայում, ուշադրության տակ պահի, և նա ևս այդ պարզաբանումները պահանջի, և մինչ օրս արձագանք չկա, հուսանք՝ այդ պարզաբանումները կլինեն: Եվ եթե տեսնենք, որ արձագանք չկա, այո, մենք կդիտարկենք նաև դրա հավանականությունը : Անդրադառնալով Ոստիկանության ու ԱԱԾ ղեկավարների՝ քաղաքացիական անձ լինելուն՝ Տարոն Սիմոնյանն ասաց, որ դրանով հնարավորություն է տրվում նաև քաղաքացիական անձանց ղեկավարել այդ կառույցները, և քանի որ ՀՀ սահմանադրությամբ ՀՀ-ն խորհրդարանական երկիր է, ապա երկրի ամբողջ պետական կառուցվածքը պետք է լինի խորհրդարանական կառավարման տրամաբանության ներքո. Մեր նախաձեռնությունը գալիս է փետրվար ամսից, երբ կառավարության կառուցվածքի վերաբերյալ նախագիծ էինք ներկայացնում, և ըստ էության, դա գալիս է 2015-ի սահմանադրական փոփոխություններից: Դա նշանակում է, որ բոլոր գերատեսչությունների ղեկավարները, որոնք փաստացի առանձին ոլորտներ են համակարգում, պետք է լինեն կառավարութան կազմում և իրականացնեն այդպիսի ֆունկցիա՝ քաղաքական գործառույթներ: Մեր իշխանությունը մերժեց այդ նախագիծը փետրվարին, մենք բերեցինք հունիսին մի կոմպոնենտը այդ նախագծի, որը և ընդունվեց: Էլի կբերենք կոմպոնենտներ, ի վերջո պառլամենտը հասկանա, որ չի կարելի օգտագործել նախորդ ռեժիմի կառավարման համակարգի մնացուկներն ու սպասել լավ արդյունքի : Հարցին, թե արդյոք այն նախագիծը լրացուցիչ լծակ չի տա երկրի վարչապետին նախագահին առաջարկել այդ կարևորագույն պաշտոններին նշանակել իր ցանկալի անձանց, և բացի այդ, արդյոք բարոյահոգեբանական տեսանկյունից ճիշտ է, որ երկարամյա ծառայություն անցած սպան կատարի 25-ամյա երիտասարդի հրամանները, Տարոն Սիմոնյանն ասաց, որ նշանակումներ անելիս պետք է առաջնորդվել բացառապես ողջամտության կանխավարկածով և չտրվել խելագարության կանխավարկածին:

Related news

Latest News
Hashtags:   

Դատապարտում

 | 

խմբակցությունը

 | 

Գրիգորյանից

 | 

պարզաբանում

 | 

պահանջել

 | 

նիստերին

 | 

բացակայելու

 | 

վերաբերյալ

 | 

դատավոր

 | 

դարձրած

 | 

քաղաքական

 | 

ուժից

 | 

Սիմոնյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources