Tuesday 19 November 2019
Home      All news      Contact us      English
tert.am - 1 month ago

Իշխանությունն ուզում է անընդհատ ու բոլորին հաճելի լինել, դա պոպուլիզմի հիվանդագին ձևն է, բայց պետք է կայացնել ոչ պոպուլյար որոշումներ. Ազատ Արշակյան (տեսանյութ)

Ոստիկանների թիրախավորումը մտահոգիչ է, գլխավոր թիրախներից են ԱԱԾ-ի և ոստիկանության նախկին պետերը, և պետության խնդիրն է նախկին և գործող ոստիկաններին հատուկ պաշտպանության տակ առնելը: Արմնյուզ ՀԸ #ՕրաԽնդիր հաղորդմանը նման կարծիք է հայտնել ՀՀ Գերագույն խորհրդի պատգամավոր Ազատ Արշակյանը: Ըստ նրա՝ ժամանակն է, որ ոստիկանությունը ևս փոխվի, և քաղաքացին ոստիկանին ընկալի որպես իրեն առաջինն օգնության հասնողի: Արշակյանի կարծիքով՝ հեղափոխությունն անակնկալ էր նաև հեղափոխականների համար, նրանք չէին պատրաստվել պետական կառավարմանը. Նիկոլ Փաշինյանն ինքն էլ չի մտածել, որ ինչ-որ պահի դառնալու է երկրի ղեկավարը և շրջապատի իրեն կադրերով: Վարչապետի շրջապատում վստահելի կադրերի դեֆիցիտ կա: Իսկ այդ վստահելիությունը պետք է գա բարձր մասնագիտական որակներից : Արշակյանի պնդմամբ՝ մենք այսօր չունենք արտաքին քաղաքական հայեցակարգ. Մի քանի օր առաջ Բաքվում պանթուրքիստական համաժողովի ժամանակ ասվեց, թե Զանգեզուրը պատնեշ է իրենց ճանապարհին: Այնտեղ էին ՀԱՊԿ-ի մեր դաշնակիցները, և նրանց ներկայությամբ այդպիսի հայտարարություն արվեց: Մեր պետությունը հակադարձե՞լ է : Ըստ քաղաքական գործչի՝ Փաշինյանը կարևոր դրական քայլ է արել Արցախի հարցում՝ պնդելով, թե կա՛մ պետք է ճանաչել Արցախն իբրև անկախ պետություն, կա՛մ նա Արցախում ևս պիտի դառնա ղեկավար, այսինքն՝ Արցախը փաստացի պետք է վերամիավորվի ՀՀ-ի հետ:

Արշակյանի պնդմամբ՝ Բալասանյանի պնդումներն այն մասին, թե Փաշինյանն իբր համաձայնել է Ադրբեջանի կազմում Արցախի լայն ինքնավարությանը, անհիմն են, քանի որ Հայաստանի որևէ ղեկավար չի կարող այդչափ անպատասխանատու լինել և վերելակում հանգուցալուծման ինչ-որ տարբերակ քննարկել: Քաղաքական գործչի կարծիքով՝ վարչապետի գրառումները Երևանի փողոցներում տարածելը կոպիտ սխալ էր. Այդ միջնադարյան բարքերն անցած պատմություն են, հնաոճ են և էֆեկտիվ չեն: Միգուցե, դա սկանդալի, պրոպագանդայի ձև է, բայց Փաշինյանը դրա կարիքը բացարձակ չունի : Ըստ Արշակյանի՝ նախկին զինվորականները, գեներալները, այդ թվում՝ Արթուր Վանեցյանը, չպետք է հեռանան ասպարեզից, պիտի որևէ կերպ մնան քաղաքականության մեջ՝ իբրև ընդդիմություն կամ իշխանության համակիր, բայց ոչ երբեք ԵԿՄ-ի պես. Երկրապահը ստեղծվել է որպես օրվա քաղաքական իշխանության գործիք: Այսօր էլ է այն այդպիսին: ԵԿՄ-ն պետք է դառնա արհմիություն կամ վետերանների ակումբ՝ ապառազմականացված և ապաքաղաքականացված ,- ասել է Ազատ Արշակյանը: Մեր իշխանությունը ոչ պոպուլյար որոշումներ, ցավոք, չի կարողանում կայացնել: Նա ուզում է անընդհատ ու բոլորին հաճելի թվալ, լինել փողոցում և հեռուստացույցի մեջ: Դա պոպուլիզմի հիվանդագին ձևն է: Մենք արդեն այս իշխանությանը չպետք է սիրեինք ,- ամփոփել է քաղաքական գործիչը: Դավիթ Սարգսյան

Related news

Latest News
Hashtags:   

Իշխանությունն

 | 

ուզում

 | 

անընդհատ

 | 

բոլորին

 | 

հաճելի

 | 

լինել

 | 

պոպուլիզմի

 | 

հիվանդագին

 | 

կայացնել

 | 

պոպուլյար

 | 

որոշումներ

 | 

Արշակյան

 | 

տեսանյութ

 | 
Most Popular (6 hours)

Most Popular (24 hours)

Most Popular (a week)

Sources