Wednesday 13 November 2019
Home      All news      Contact us      English
tert.am - 29 days ago

«Փաստ». ՍԴ դատավոր Ֆելիքս Թոխյանի դեմ կոմպրոմատային փաթեթ է գործի դրվել

Փաստ օրաթերթին նոր, ուշագրավ մանրամասներ են հայտնի դարձել Սահմանադրական դատարանի դատավոր Ֆելիքս Թոխյանի՝ Հայ-ռուսական (Սլավոնական) համալսարանի Սահմանադրական իրավունքի ամբիոնի վարիչի պաշտոնից հեռացման պատճառների մասին:

Բացի ուսանողների դժգոհություններից ու Թոխյանի՝ դասերից պարբերական բացակայելու հանգամանքից, նոր ամբիոնի վարիչ Արթուր Ղամբարյանը կարճ ժամանակում բազմաթիվ սխալներ ու Թոխյանի կողմից ցուցաբերված անգործությունն ապացուցող, ինչպես նաեւ վարկաբեկիչ փաստեր է հայտնաբերել, որոնք էլ իշխանությունները ներկայացրել են Ֆելիքս Թոխյանին՝ վերջինիս առաջ պայման դնելով՝ կա՛մ կողմ քվեարկել Իմ քայլը խմբակցության ներկայացրած նախագծին, կա՛մ այդ տվյալները հասանելի կդարձնեն հանրությանն ու իրավապահներին:

Ըստ մեր աղբյուրի՝ հենց այդ հանգամանքն էլ պատճառ է դարձել, որ նախկին իշխանությունների հետ բավականին ջերմ հարաբերություններ ունեցող Ֆելիքս Թոխյանը հոկտեմբերի 14-ին Հրայր Թովմասյանի լիազորությունների դադարեցման նախագծին միակ կողմ արտահայտված դատավորը դառնա:

Լավատեղյակների պնդմամբ՝ Թոխյանը մինչ այս պահը առանձնահատուկ ջերմ հարաբերություններ ունի ՀՀ երրորդ նախագահ Սերժ Սարգսյանի հետ եւ ամեն առիթի դեպքում շեշտում է, որ Սարգսյանն է հոգացել երկու տարի առաջ իր տարած ծանր վիրահատության եւ հետագա բուժման ծախսերը:

Ըստ մեր աղբյուրների՝ եթե չլիներ Ֆելիքս Թոխյանի դեմ ձեռք բերված կոմպրոմատային փաթեթը, նա, ինչպես ՍԴ մյուս դատավորները, դեմ կարտահայտվեր Թովմասյանի լիազորությունների դադարեցմանը ,-գրել է թերթը:

Նյութն ամբողջությամբ կարդացեք թերթի այսօրվա համարում:

Related news

Latest News
Hashtags:   

դատավոր

 | 

Ֆելիքս

 | 

Թոխյանի

 | 

կոմպրոմատային

 | 

փաթեթ

 | 

գործի

 | 

դրվել

 | 
Most Popular (6 hours)

Most Popular (24 hours)

Most Popular (a week)

Sources