Wednesday 20 November 2019
Home      All news      Contact us      English
tert.am - 1 month ago

Բարսելոնայում ցուցարարները շշեր են նետում ոստիկանների ուղղությամբ. բողոքի ակցիաներ են նաև Իսպանիայի այլ քաղաքներում

Բարսելոնայի կենտրոնում՝ Իսպանիայի կառավարության մասնաշենքի մոտ, ցուցարաների և ոստիկանների միջև բախումներ են սկսվել, հաղորդում է РИА Новости-ն: Ըստ աղբյուրի՝ բողոքի ակցիայի մասնակիցները ոստիկանների ուղղությամբ շշեր և այլ առարկաներ են նետում, փորձում են ներխուժել կառավարության շենք: Ոստիկանները հետ են մղում ցուցարարներին: Իրավապահների և ցուցարարների միջև բախումներ են տեղի ունենում նաև Իսպանիայի Լերիդա քաղաքում: Ժիրոնայում ընթացող բողոքի ակցիաները, որոնց մի քանի հազար մարդ է մասնակցում, դեռևս խաղաղ է անցնում: Հիշեցնենք, որ Կատալոնիայում բողոքի ցույցերը սկսվել են երկուշաբթի այն բանից հետո, երբ Գերագույն դատարանը կատալոնացի 12 քաղաքական գործչի դատապարտել է 2017-ին անկախության անօրինական հանրաքվեին ներգրավված լինելու համար: Անկարգությունների հետևանքով, որի էպիկենտրոնը Բարսելոնայի օդանավակայանն էր, երկուշաբթի տուժել է 131 ցուցարար և մոտ 70 իրավապահ: Անցած երկու օրվա ընթացքում արմատականները Իսպանիայի տարբեր շրջաններում արգելափակել են ավտոճանապարհներ և երկաթգծեր: Յոթ ճանապարհ շարունակվում է արգելափակված մնալ:

Related news

Latest News
Hashtags:   

Բարսելոնայում

 | 

ցուցարարները

 | 

նետում

 | 

ոստիկանների

 | 

ուղղությամբ

 | 

բողոքի

 | 

ակցիաներ

 | 

Իսպանիայի

 | 

քաղաքներում

 | 
Most Popular (6 hours)

Most Popular (24 hours)

Most Popular (a week)

Sources