Tuesday 12 November 2019
Home      All news      Contact us      English
tert.am - 28 days ago

Սերժ Սարգսյանի հետ երեկ երեկոյան ընթրել ենք, մեր հանդիպումներին քաղաքական հարցեր չենք քննարկում. Վիտալի Բալասանյան

Ոմանց մոտ այնպիսի տպավորություն է, թե Սերժ Սարգսյանի և Վիտալի Բալասանյանի հանդիպումը հանցավոր արարք է: Այս մասին Արցախում հրավիրած մամուլի ասուլիսի ժամանակ հայտարարել է ԱՀ անվտանգության խորհրդի նախկին քարտուղար, Արցախի ազգային հերոս Վիտալի Բալասանյանը՝ անդրադառնալով հարցին, թե որքան հաճախ է հանդիպում ՀՀ 3-րդ նախագահ Սերժ Սարգսյանի հետ: Ես բոլորի հետ էլ հանդիպում եմ. մենք ճանապարհ ենք անցել թե՛ Սերժ Սարգսյանի, թե՛ Լևոն Տեր-Պետրոսյանի: Սերժ Սարգսյանի մայրն Արցախում է ապրում, նա կարող է 7 կամ 10 օր մնա Արցախում, այդ ընթացքում մեր հանդիպումը կարող է լինել մեկ կամ երկու անգամ: Մենք խմբով հանդիպում ենք մեր մարտական ընկերների հետ: Անկեղծ եմ ասում, երբ Նիկոլ Փաշինյանի իշխանության գալուց հետո, երբ առաջին անգամ հանդիպել եմ Սերժ Սարգսյանին, նա ինձ և մնացածին հետևյալն է ասել՝ ամեն ինչ կանեք, որպեսզի Հայաստանի հետ չհակադրվեք, պետք է հարաբերությունները ջերմ պահեք: Երբևիցե Սերժ Սարգսյանը, Ռոբերտ Քոչարյանը, որևէ մեկն ինձ չի կարող ուղղորդել ,- ընդգծեց նա: Բալասանյանը հավելեց, որ Սերժ Սարգսյանը հիմա էլ գտնվում է Ստեփանակերտում. Մենք երեկ երեկոյան ընթրել ենք, քաղաքական որևէ հարց չենք քննարկել: Մեր հանդիպումներին որևէ քաղաքական հարց չենք քննարկում, ճաշում կամ ընթրում ենք և խոսում ենք անցյալից, թե ինչ սխալներ ենք արել ժամանակին՝ 91-94 թվականներին, ինչպիսի՞ն պետք է լիներ Ղարաբաղի հարցի լուծումը, մենք այսօր Հայաստանում կատարվող որևէ հարցի շուրջ չենք խոսում, այդ խոսակցություններն իրականությանը չեն համապատասխանում ,- շեշտեց նա:

Related news

Latest News
Hashtags:   

Սարգսյանի

 | 

երեկոյան

 | 

ընթրել

 | 

հանդիպումներին

 | 

քաղաքական

 | 

հարցեր

 | 

քննարկում

 | 

Վիտալի

 | 

Բալասանյան

 | 
Most Popular (6 hours)

Most Popular (24 hours)

Most Popular (a week)

Sources