Sunday 17 November 2019
Home      All news      Contact us      English
tert.am - 1 month ago

Թրամփը պատժամիջոցներ է սահմանել թուրք բարձրաստիճան պաշտոնյաների նկատմամբ

ԱՄՆ նախագահ Դոնալդ Թրամփը հրամանագիր է ստորագրել, որով Սիրիայի հյուսիսում Անկարայի գործողությունների առնչությամբ պատժամիջոցներ կկիրառվեն Թուրքիայի նախկին և գործող պաշտոնյաների նկատմամբ: Այդ մասին հայտարարել է ԱՄՆ պետքարտուղար Մայք Պոմպեոն, հաղորդում է РИА Новости-ն: Interfax-ի փոխանցմամբ՝ ավելի վաղ Դոնալդ Թրամփը Twitter-ի էջում գրել էր. Ես շուտով կստորագրեմ հրամանագիր, որով պատժամիջոցներ կսահմանվեն Թուրքիայի կառավարության գործող և նախկին պաշտոնյաների նկատմամբ, ինչպես նաև յուրաքանչյուրի դեմ, ով ապակայունացնում է իրավիճակը Սիրիայի հյուսիս-արևելքում : ԱՄՆ նախագահը նաև հայտնել է Թուրքիայի համար պողպատի մաքսատուրքերը 50 տոկոսի վերադարձնելու մտադրության և Անկարայի հետ 100 միլիարդ դոլարի առևտրային գործարքի շուրջ բանակցությունները դադարեցնելու մասին: Բացի այդ, Թրամփը սպառնացել է կարճ ժամանակում ոչնչացնել Թուրքիայի տնտեսությունը, եթե Անկարան չհրաժարվի Սիրիայի հյուսիսում ապակառուցողական գործողություններից: Միացյալ նահանգները կօգտագործի տնտեսական պատժամիջոցները Սիրիայի տարածքում տեղի ունեցող սարսափելի գործողությունների մեջ ներգրավված բոլոր կողմերի դեմ: Ես պատրաստ եմ շատ արագ ոչնչացնել Թուրքիայի տնտեսությունը, եթե նրա առաջնորդները շարունակեն վտանգավոր և կործանարար ճանապարհը , - նշել է ԱՄՆ առաջնորդը: Հիշեցնենք, որ հոկտեմբերի 9-ին Էրդողանը հայտարարել էր Սիրիայի հյուսիսում Խաղաղության ակունք գործողության մեկնարկի մասին, որն ուղղված է Քրդստանի աշխատավորական կուսակցության և Իսլամական պետություն ահաբեկչական խմբավորման դեմ: Թուրքական ավիացիան հենց նույն օրը հարվածներ էր հասցրել երկու երկրների սահմանին գտնվող Ռաս էլ-Այն և Սիրիայի մի շարք այլ քաղաքների վրա:

Related news

Latest News
Hashtags:   

Թրամփը

 | 

պատժամիջոցներ

 | 

սահմանել

 | 

թուրք

 | 

բարձրաստիճան

 | 

պաշտոնյաների

 | 

նկատմամբ

 | 
Most Popular (6 hours)

Most Popular (24 hours)

Most Popular (a week)

Sources