Tuesday 19 November 2019
Home      All news      Contact us      English
tert.am - 1 month ago

«Թալին» ջոկատի հրամանատար Սարգիս Կարապետյանի և ռազմական քաղաքական գործիչ Գևորգ Գևորգյանի ասուլիսը՝ ուղիղ

Տեղի է ունենում Թալին ջոկատի հրամանատար Սարգիս Կարապետյանի և ռազմական քաղաքական գործիչ Գևորգ Գևորգյանի մամուլի ասուլիսը: Վերջիններս մեկնաբանում են Նիկոլ Փաշինյանի՝ Ալիևին ուղղված պատասխանը, ինչպես նաև Վիտալի Բալասանյանի վերջին հայտարարությունները:

Հիշեցնենք, որ Թուրքմենստանի մայրաքաղաք Աշխաբադում ԱՊՀ մասնակից պետությունների ղեկավարների խորհրդի նեղ կազմով նիստում ՀՀ վարչապետ Նիկոլ Փաշինյանը կոշտ պատասխան է տվել Ադրբեջանի նախագահ Իլհամ Ալիևի ելույթին՝ անվանելով այն հայ ժողովրդի և ԱՊՀ երկրների ղեկավարների նկատմամբ անհարգալից վերաբերմունք : Մասնավորապես, Ալիևն իր ելույթում խոսել է ԱՊՀ տարածքում՝ մասնավորապես Հայաստանում ֆաշիստների հերոսացման մասին՝ նշելով, որ ՀՀ նախկին իշխանությունների օրոք Երևանում կանգնեցվել է ռազմական և պետական գործիչ Գարեգին Նժդեհի արձանը, որին Ալիևն անվանել է ֆաշիստական դահիճ և դավաճան : ՀՀ վարչապետը նշել է, որ տեղին չի համարում այս ձևաչափը պատմությունը խեղաթյուրելու համար օգտագործելը և նման կարևոր նիստի մթնոլորտում լարվածություն մտցնելը: Ադրբեջանի նախագահի խոսքերն առաջին հերթին անհարգալից վերաբերմունք են հայ ժողովրդի հանդեպ: Եվ ես դա համարում եմ անհարգալից վերաբերմունք ԱՊՀ պետությունների ղեկավարների և ժողովուրդների նկատմամբ, որոնք նրանք ներկայացնում են այստեղ , - հայտարարել է ՀՀ վարչապետը: Հիշեցնենք նաև, որ Վիտալի Բալասանյանը հարցազրույցներից մեկում, անդրադառնալով Սասնա ծռերին , ասել էր, որ 2016 թվականին ներեցին այդ ահաբեկիչներին , սակայն հիմա ինքը հայտարարում է՝ ֆիզիկապես ոչնչացնելու են նրանց, ովքեր կփորձեն ոտնձգություն անել իր, ժողովրդի, պետության, պետականության, սահմանների, Արցախի իշխանությունների նկատմամբ:

Նշենք, որ ՀՀ ԱԽ քարտուղար Արմեն Գրիգորյանն էլ իր հերթին, անդրադառնալով Վիտալի Բալասանյանի հայտարարությանը, Ֆեյսբուքում գրել էր, թե Վիտալի Բալասանյանն իրեն պահում է որպես խուլիգան, այլ ոչ թե Արցախի նախագահի թեկնածու:

Related news

Latest News
Hashtags:   

Թալին

 | 

ջոկատի

 | 

հրամանատար

 | 

Սարգիս

 | 

Կարապետյանի

 | 

ռազմական

 | 

քաղաքական

 | 

գործիչ

 | 

Գևորգ

 | 

Գևորգյանի

 | 

ասուլիսը՝

 | 

ուղիղ

 | 
Most Popular (6 hours)

Most Popular (24 hours)

Most Popular (a week)

Sources