Thursday 14 November 2019
Home      All news      Contact us      English
tert.am - 1 month ago

ՀՀ-ի և Չինաստանի միջև օդային հաղորդակցությունների համաձայնագիր կա, բայց ուղիղ չվերթներ չկան. պահանջարկ չկա

Ոչ միայն Գյումրիի Շիրակ օդանավակայանից, այլև ընդհանրապես Հայաստանից հնարավոր չի լինի թռչել Չինաստան, չնայած նրան, որ Հայաստանի և Չինաստանի միջև օդային հաղորդակցությունների մասին համաձայնագրի ստորագրումից հետո հայտարարություններ եղան, թե թռիչքների համար դիտարկվում է Գյումրու օդանավակայանը: Ի պատասխան Tert.am-ի հարցմանը, թե օդային հաղորդակցության ի՞նչ պայմանավորվածություններ են ձեռք բերվել, ՀՀ Քաղաքացիական ավիացիայից նշել են, որ նման քննարկումներ եղել են, սակայն չինական ավիաընկերությունների վերլուծության արդյունքում պարզվել է, որ ուղիղ չվերթների իրականցման համար դեռևս բավարար պահանջարկ չկա: 2018թ. սեպտեմբերի 15-ին ՀՀ կառավարության և Չինաստանի ժողովրդական Հանրապետության կառավարության միջև օդային հաղորդակցությունների մասին համաձայնագրի ստորագրումից հետո Հայաստան-Չինաստան ուղիղ չվերթերի իրականացման հնարավորությունները քննարկելու նպատակով,Կոմիտեի նախագահը հանդիպումներ է ունեցել մի շարք չինական ավիաընկերությունների ներկայացուցիչների հետ (Air China, China Southern Airlines, Shenzhen Airlines, China Eastern Airlines, Tianjin Airlines, Hainan Airlines), սակայն չինական ավիաընկերությունների վերլուծության արդյունքում պարզվել է, որ Չինաստանի և Հայաստանի միջև ուղիղ չվերթերի իրականացման համար դեռևս բավարար պահանջարկ չկա ,-նշել են ՀՀ Քաղաքացիական ավիացիայից: Նշենք, որ համաձայնագրի ստորագրումից հետո հրապարակումներ եղան, թե Գյումրիից կլինի ուղիղ չվերթ դեպի Չինաստան, և որ Շիրակի մարզից Չինաստան մթերք կարտահանվի: Մասնավորապես Հայ-չինական հարաբերությունների տարածաշրջանային զարգացման հիմնադրամի գործադիր տնօրեն Վլադիմիր Սիմոնյանցը լրագրողների հետ զրույցում հայտարարել էր, թե քննարկվում է, թե որ օդանավակայանը կլինի առավել հարմարավետ չինական ավիաընկերությունների համար՝ հաշվի առնելով այն հանգամանքը, որ ավիափոխադրումը բավականին երկարատև է: Նաև դիտարկում ենք Գյումրու օդանավակայանը, քանի որ մոտ ապագայում ամուր կապեր ենք ունենալու այս քաղաքի հետ: Եթե Գյումրին համապատասխանի այդ պահանջներին, ինչպես նաև բավարարի չինական կողմի տեխնիկական պահանջները, այն մեր համար կլինի համար առաջին օդանավակայանը ,-նշել էր նա:

Related news

Latest News
Hashtags:   

Չինաստանի

 | 

օդային

 | 

հաղորդակցությունների

 | 

համաձայնագիր

 | 

ուղիղ

 | 

չվերթներ

 | 

պահանջարկ

 | 
Most Popular (6 hours)

Most Popular (24 hours)

Most Popular (a week)

Sources