Wednesday 20 November 2019
Home      All news      Contact us      English
tert.am - 1 month ago

Հանձնարարություն չկա Սիրիայում հումանիտար առաքելություն իրականացնող խմբին ռազմական գործողությունների վայր տեղափոխելու մասին. Ն. Էլբակյան

Սիրիայում հումանիտար առաքելություն իրականացնող խմբի տեղակայման վայրն այս պահի դրությամբ չի փոխվելու, շարունակելու են առաքելություն իրականացնել Հալեպում: Այս մասին Tert.am- հետ զրույցում ասաց Հումանիտար ականազերծման և փորձագիտական կենտրոն -ի հասարակայնության հետ կապերի պատասխանատու Նազելի Էլբակյանը՝ անդրադառնալով հարցին՝ արդյոք կա հանձնարարություն Սիրիայում հումանիտար առաքելություն իրականացնողներին տուժածներին օգնություն ցուցաբերելու համար ռազմական գործողություների վայր տեղափոխելու մասին: Մեր բժիշկները Հալեպի 5 հիվանդանոցներում են աշխատում, եթե այդ հիվանդանոցներ տեղափոխեն ռազմական գործողություններից տուժածներին, բնական է՝ մերոնք բժշկական աջակցություն կցուցաբերեն: Խումբը տեղակայված է Հալեպի Մայսալուն թաղամասում, արաբական թաղամաս է, անվտանգությունը ապահովում են ռազմական ոստիկանները, խմբի կազմում սակրավորներ են ու բժիշկներ, ովքեր շարունակում են իրենց առաքելությունը իրականացնել բնականոն հոնով: Այլ հանձնարարություն այս պահին խմբին տված չէ ,-նշեց նա: Հիշեցնենք, որ թուրքական ուժերը Սիրիայի հյուսիսային շրջանում ռազմարշավ են սկսել հոկտեմբերի 9-ին: Թուրքական բանակի ստորաբաժանումները և նրանց կողմից մարտնչող զորամիավորումները վերահսկողություն են հաստատել Սիրիայի հյուսիսում գտնվող 20 բնակավայրում: Մի շարք երկրներ, այդ թվում՝ ԵՄ բոլոր երկրները, հանդես են եկել դատապարտող հայտարարությամբ՝ կոչ անելով Թուրքիային դադարեցնել ռազմարշավը: Ֆինլանդիան և Գերմանիան հայտնել են, որ կասեցնում են սպառազինման մատակարարումը Թուրքիային: Սիրիայի ԱԳՆ-ն, իր հերթին, հայտարարել է, որ սիրիական կողմը պայքարելու է թուրքական ուժերի դեմ: Թուրքիայի պաշտոնական վարկածն այն է, թե քանի որ այդ հատվածում իշխում են Քուրդիստանի բանվորական կուսակցությանը կից Քրդական ազգային ինքնապաշտպանության ուժերը, որոնք Թուրքիան համարում է ահաբեկչական, իբրև մտնում են ահաբեկիչներին մաքրելու համար: ԱՄՆ նախագահ Դոնալդ Թրամփի հետ հեռախոսազրույցի ժամանակ Թուրքիայի նախագահ Ռեջեփ Թայիփ Էրդողանն ասել էր, որ իրենք մտադիր են սահմանից 30 կմ խորանալ՝ այնտեղ բուֆերային գոտի ստեղծելու և 3-4 միլիոն սիրիացի փախստականների բնակեցնելու համար:

Related news

Latest News
Hashtags:   

Հանձնարարություն

 | 

Սիրիայում

 | 

հումանիտար

 | 

առաքելություն

 | 

իրականացնող

 | 

խմբին

 | 

ռազմական

 | 

գործողությունների

 | 

տեղափոխելու

 | 

մասին

 | 

Էլբակյան

 | 
Most Popular (6 hours)

Most Popular (24 hours)

Most Popular (a week)

Sources